آج پی ایم مودی کشی نگر میں بین الاقوامی ہوائی اڈے کا افتتاح کریں گے

بین الاقوامی ہوائی اڈہ رواں ہفتے آپریشنل ہو جائے گا تاکہ ماضی کی پیچیدہ سفری ضروریات کو کم کیا جا سکے اور ہندوستان میں بین الاقوامی بودھ یاتریوں کے لیے ہوائی سفر کو آسان بنایا جا سکے۔

پی ایم مودی، تصویر یو این آئی
پی ایم مودی، تصویر یو این آئی
user

یو این آئی

نئی دہلی: وزیر اعظم نریندر مودی آج اتر پردیش کے ضلع کشی نگر میں نئے تعمیر شدہ بین الاقوامی ہوائی اڈے کا افتتاح کریں گے جس سے نہ صرف بین الاقوامی بودھ سیاحوں کی آمد و رفت میں آسانی ہوگی بلکہ خطے میں معاشی سرگرمیوں کو بھی فروغ ملے گا۔ شہری ہوا بازی کی وزارت کے مطابق وزیر اعظم اتر پردیش کی گورنر آنندی بین پٹیل، وزیر اعلی یوگی آدتیہ ناتھ، مرکزی شہری ہوا بازی کے وزیر جیوترادتیہ سندھیا کی موجودگی میں اس کا افتتاح کریں گے۔

بین الاقوامی ہوائی اڈہ رواں ہفتے آپریشنل ہو جائے گا تاکہ ماضی کی پیچیدہ سفری ضروریات کو کم کیا جا سکے اور ہندوستان میں بین الاقوامی بودھ یاتریوں کی ہوائی سفر کی ضروریات کو کم کیا جا سکے۔ 125 معززین اور بدھ راہبوں کے ساتھ پہلی پرواز کولمبو، سری لنکا سے اس ہوائی اڈے پر اتر چکی ہے۔ یہ ہوائی اڈہ دنیا بھر سے بودھ مت کے پیروکاروں کو بھگوان بودھ کے مہاپرینروان مقام پر جانے کی سہولت دستیاب کرے گا۔


ایئر پورٹس اتھارٹی آف انڈیا نے حکومت اتر پردیش کے ساتھ مل کر کشی نگر ایئر پورٹ تیار کیا ہے جس کی ایک نئی ٹرمنل عمارت ہے جس کی تخمینہ لاگت 2600 کروڑ روپے اور اسے 3600 اسکوائر میٹر میں تیار کیا گیا ہے۔ نئے ٹرمنل میں بھیر بھاڑ والے اوقات میں 300 مسافروں کے آمد رفت کی سفر ی سہولت فراہم ہوگی۔

Follow us: Facebook, Twitter, Google News

قومی آواز اب ٹیلی گرام پر بھی دستیاب ہے۔ ہمارے چینل (qaumiawaz@) کو جوائن کرنے کے لئے یہاں کلک کریں اور تازہ ترین خبروں سے اپ ڈیٹ رہیں۔