پریشان حال غریبوں اور مزدوروں کی ہر ممکن مدد کی جائے: پرینکا گاندھی

لکھنؤ: پرینکا گاندھی نے جمعہ کے روز اتر پردیش کے وزیر اعلیٰ یوگی آدتیہ ناتھ کے نام ایک خط لکھ کر کہا کہ یہ وقت اپنے تمام اختلافات کو بھلا کر ملک کے فلاح کے لئے اس عالمی وبا سے لڑنے کا وقت ہے۔ دریں اثنا انہوں نے کہا کہ غریبوں اور دیہاڑی مزدوریوں کی مدد کی جائے۔ انہوں نے کہا کہ کورونا وائرس کے بحران کے پیش نظر لوگوں کے لئے اسکول اور کالجوں کو کھولا جائے اور ان کی مدد کی جائے۔

پرینکا گاندھی نے کہا، ’’ہماری پارٹی اس وقت حکومت کا تعاون کرنے کے لئے پوری طرح تیار ہے۔ میں نے پارٹی کارکنان سے اپیل کی ہے کہ وہ لوگوں کو کورونا کے تعلق سے بیدار کریں اور ان کی ہر ممکن مدد کریں۔‘‘

پرینکا گاندھی نے ایک ٹوئٹ میں کہا، ’’دہلی سرحد پر سانحہ کی صورت حال پیدا ہو چکی ہے۔ ہزاروں کی تعداد میں لوگ پیدال اپنے گھروں کی طرف نکل پڑے ہیں۔ کوئی ذریعہ نہیں، کھانا نہیں۔ کورونا کی دہشت، بیروزگاری اور بھوک کا خوف ان کے پیروں کو گھر-گاؤں کی طرف دھکیل رہا ہے۔ میں حکومت سے درخواست کرتی ہوں۔ برائے کرم ان کی مدد کیجئے۔‘‘

احمد پٹیل نے لکھا، ’’کانگریس صدر نے بھی وزیر اعظم سے درخواست کی ہے اور مرکز سے کہا ہے کہ جو لوگ راستہ میں پھنس گئے ان کی مدد کے لئے اتھارٹی کو ہدایات دی جائیں۔ ہمیں امید ہے کہ مرکز کی طرف سے مجبور اور درماندہ افراد کی مدد کی جائے گی۔‘‘

اترپردیش کے وزیراعلی یوگی آدتیہ ناتھ کے نام لکھے اپنے خط میں پرینکا گاندھی نے کہا کہ کووڈ۔19 کی وجہ سے میڈیکل شعبے میں جہاں ایمرجنسی جیسےحالات پید ہوگئے ہیں تو وہیں دوسری جانب کئی دنوں سے لاک ڈاؤن کی وجہ سے لوگوں کی روزی روٹی پر بھی خطرات کے بادل منڈلا رہے ہیں۔اوراس کا سب سے زیادہ متاثر غریب طبقہ ہے۔

وزیر اعلی یوگی آدتیہ ناتھ کو متعدد تجاویز پیش کرتے ہوئے کانگریس جنرل سکریٹری نے لکھا ہےکہ اس عالمی وبا نے دیہاڑی مزدوروں، ٹھیلے پٹری والوں،تعمیرائی کام کرنے والوں بے سہارا افراد،بیواوں، معذورین کی زندگی میں طوفان سے لا دیا ہے۔ لہذا اس ضمن میں حکومت کی جانب سے اعلان کردہ راحت رسانی کا فائدہ حقیقی مستحقین تک پہنچے اس کو یقینی بنایا جائے۔

بحران کی اس گھڑی میں کانگریس کے حکومت کے شانہ بشانہ کھڑی ہونے کا ذکر کرتے ہوئے محترمہ واڈرانے کہا ہے کہ کانگریس پارٹی حکومت کا تعاون کرنے کے لئے پوری طرح سے تیار ہے۔کانگریس پارٹی کی اترپردیش کا انچارج ہونے کی وجہ سے میں نے پہلے ہی اپنے کارکنان و ذمہ داران کو ہدایت جاری کی تھی کہ وہ کورونا وائرس کے بارے میں بیداری مہم چلانے اور اس کو پھیلنے سے روکنے کے لئے کئے جارہے اقدامات میں اپنا ہر ممکن تعاون پیش کریں۔

اپنے خط میں پرینکا نے متعدد دیگر تجاوزیرکے ساتھ لکھا ہے کہ اس مہلک وبا سے نپٹنے کے لئے کانگریس کا ایک ایک کارکن اترپردیش کی عوام کے ساتھ کھڑا ہے اورہماری جانب سے انتظامیہ کو مکمل تعاون ملےگا۔ کانگریس کے کارکنان سبھی وقوانین کی پابندی کرتے ہوئے اس مصیبت کی گھڑی میں اپنی خدمات دینے کو تیار ہیں۔ہم نے ہر ضلع میں والنٹرٹیم اور ہیلپ لائن تیار کیا ہے جو عوام کی مدد کے لئے موجود ہیں۔