مغربی بنگال میں نویں سے بارہویں جماعت تک ٹیچروں کی ہزاروں آسامیاں خالی

مغربی بنگال اساتذہ امیدوار ایسوسی ایشن کے امیدواروں نے دعویٰ کیا ہے کہ مغربی بنگال میں نویں سے بارہویں جماعت تک ہزاروں آسامیاں خالی ہیں۔ایسوسی ایشن نے اسکول سروس کمیشن کے خلاف تحریک چلانے کا اعلان کیا ہے۔

اگست سے بھرتی شروع کرنے کا مطالبہ کرتے ہوئے بی ایڈ پاس امیدواروں نے کہا ہے کہ دسمبر تک بحالی کا عمل مکمل نہیں ہوگا تو زور دار تحریک چلائی جائے گی۔ان لوگوں کا کہنا تھا کہ نویں سے بارہویں تک اساتذہ کی بھرتی کیلئے سال بھرپہلے اشتہار دیا گیا تھا۔امیدواروں کا کہنا ہے کہ اس وقت عدالتی کارروائی پیچیدگی کا شکار ہے اس لئے ریاستی حکومت کو نویں دسویں اور گیارہویں بارہویں کلاس کے لئےاساتذہ کی بھرتی کا عمل فوری طور پر شروع کیا جاناچاہئے۔ امیدواروں نے تقرری کا مطالبہ کرتے ہوئے مختلف اضلاع میں اسکول ڈسٹرکٹ انسپکٹرز کو ڈیپوٹیشن جمع کروانے کا عمل شروع کیا ہے۔

کمیشن ذرائع نے بتایا کہ اسکول سروس کمیشن نے کلکتہ ہائی کورٹ سے اس معاملے میں جلد سے جلد سماعت مکمل کرنے کی کی اپیل کی ہے۔ مغربی بنگال اساتذہ ایسوسی ایشن کے کنوینر راکیش دت نے کہا کہ ’بی ایڈ‘ کرچکے بہت سارے امیدوار بیٹھے ہوئے ہیں۔ انہوں نے کہا کہ حکومت کو نویں دسویں اور گیارہویں بارہویں کے لئے بھرتی کا عمل فوری طور پر شروع کرنا چاہئے۔ انہوں نے کہا کہ ہم کلکتہ اور دیگر اضلاع میں بحالی کیلئے بھرتی کا عمل شروع کیا گیا ہے۔سیکڑوں ایسے بی ایڈ پاس ہیں جو نوکری کا انتظار کررہے ہیں انہوں نے کہا ہے کہ ہم نے ضلع سطح پر اسکول انسپکٹروں کو میمورنڈم دیتے ہوئے مطالبہ کیا ہے کہ نویں دسویں اور گیارہویں بارہویں میں اساتذہ کی بھرتی کا نوٹس رواں سال اگست تک جاری کیا جائے۔

گزٹ کو تبدیل کیا جائے اور ٹسٹ میں صرف متعلقہ موضوع پر سوالات کئے جائیں۔ تمام اپ ڈیٹس کو خالی جگہ میں پْر کرنا ضروری ہے۔اساتذہ کی بحالی کا عمل اس سال دسمبر تک مکمل ہونا چاہئے۔انٹرویو لینے والے پینل کا اعلان پہلے کیا جانا چاہیے۔ اس کیلئے امتحان میں شفافیت برتنے کے لئے متبادل انتظام کئے جائیں۔ اساتذہ کی تقرری کا عمل ہر سال اسکول سروس کمیشن کے ذریعہ کرنا ہے۔اس وقت اپرپرائمری اور ہائر سیکنڈری میں کل 14ہزار سیٹیں خالی ہیں۔