غیر ملکی حیوانات و نباتات رکھنے والوں کو معلومات فراہم کرنی ہوں گی

نئی دہلی: غیر ملکی حیوانات و نباتات رکھنے والوں کو اب حکومت کو اس کی معلومات دینی ہوگی اور درآمد سے قبل اجازت لینا ضروری ہوگا۔

ماحولیات، جنگلات اور موسمیاتی تبدیلی کی وزارت کے وائلڈ لائف محکمہ نے ایک مشاورت کا خط جاری کرکے خطرے میں پڑی نسل کی بین الاقوامی تجارت کانفرنس (سی آئی ٹی ای ایس) کی پہلی، دوسری اور تیسری شیڈول میں شامل غیر ملکی حیاتیات اور نباتات کے رجسٹریشن اور درآمد کے قوانین کا تعین کئے ہیں۔

جن افراد کے پاس پہلے سے ایسے حیوانات یا نباتات ہیں انہیں بھی رجسٹریشن کرانا ہوگا۔ اگلے چھ ماہ تک رجسٹریشن کرنے پر انہیں ان حیاتیات اور پودوں کی درآمد کے ثبوت کے طور پر کوئی کاغذات نہیں دینے ہوں گے۔ چھ ماہ بعد انہیں اس کے لیے کاغذات پیش کرنے ہوں گے۔

سی آئی ٹی ای ایس کے پہلی شیڈول میں ایسے حیوانات یا پودے ہیں جو معدوم ہونے کے دہانے پر ہیں۔ دوسری شیڈول میں ایسے حیوانات اور نباتات ہیں جو ابھی خطرے سے دوچار نہیں ہیں، لیکن جس طرح ان کا کاروبار ہو رہا ہے، مستقبل میں وہ معدوم ہونے کے دہانے پر پہنچ سکتے ہیں۔ تیسری شیڈول میں وہ حیوانات اور پودے ہیں جن کے لئے کسی دوسری کانفرنس کی جانب سے درخواست کی گئی ہے۔

غیر ملکی حیوانات اور پودوں کے مالکان کو ان کی ریاستوں کے چیف وائلڈ لائف نگراں کو خاص فارمیٹ میں اس کی معلومات دینی ہوگی۔ ریاست کے چیف وائلڈ لائف نگراں براہ راست مشاہدہ کرکے دی گئی معلومات کا ملان کریں گے اور اس کے بعد انہیں ریکارڈ میں شامل کر کے چھ ماہ کے اندر آن لائن سرٹیفکیٹ جاری کریں گے۔ رجسٹریشن کے بعد اگر ان میں سے کسی مخلوق یا پودے کی موت ہو جاتی ہے یا ان کا مالک اسے کسی اور فروخت یا سونپ دیتا ہے تو ایک ماہ کے اندر اس کی بھی معلومات دینی ہوگی۔

غیر ملکی حیاتیات یا پودوں کی درآمد کے لئے ریاست کے چیف وائلڈ لائف نگراں کے پاس آن لائن رجسٹریشن کرانا ہوگا اور ان سے این او سی (سرٹیفکیٹ)لینا ہوگا۔ اس کے بعد غیر ملکی تجارت ڈائریکٹوریٹ جنرل میں درخواست دینی ہوگی۔ مالک کے لئے بیرون ملک سے درآمد حیاتیات اور پودوں کی صحت کا مکمل ریکارڈ رکھنا لازمی ہوگا۔