ملک کو بچانے کے لئے ’چوکیدار‘ تبدیل کرنے کی ضرورت: سیتارام یچوری

کولکاتا: مرکزی میں متبادل جمہوری حکومت کے قیام کی ضرورت پر اصرار کرتے ہوئے کہا کہ سی پی ایم کے جنرل سیکریٹری سیتارام یچوری نے کہا کہ ”چوکیدار کے دوراقتدار میں ملک کو لوٹ مار اور فرقہ واریت کا بول بالا ہے اور یہ صورت حال ملک کو تباہی کے دہانے پر پہنچادیا ہے۔

یچوری نے کہا کہ ہم لوگ اگلے انتخاب میں ’چوکیدار مودی‘ کو شکست سے دوچارکریں گے۔ملک کو ایسے چوکیدار کی ضرورت نہیں ہے۔جس کی موجودگی میں ملک میں معاشی لوٹ مار ہورہا ہے اور ناکامیوں کو فرقہ واریت کی آڑ میں چھپانے کی کوشش کی جارہی ہے۔

کولکاتا کے بریگیڈ میدان میں بایاں محاذ کی ریلی سے خطاب کرتے ہوئے یچوری نے کہا کہ گزشتہ پانچ سالوں میں ملک میں لوٹ مارکیا گیا ہے اور اب انتخابات سے قبل اس کی فصل کانٹے کی کوشش کی جارہی ہے۔

سی پی ایم لیڈر نے کہا کہ ملک اس وقت تبدیلی کا خواہاں ہیں اور ملک کی ہمہ جہت ترقی کیلئے ملک میں ہمہ گیر تبدیلی کی ضرورت ہے۔یچوری نے کہا کہ ہم مودی کو شکست دینا اس لیے نہیں چاہتے ہیں کہ ہم انہیں پسند نہیں کرتے ہیں۔بلکہ اس لیے تبدیلی چاہتے ہیں کہ ہمارے پاس متبادل ہیں۔ہم ملک میں متبادل سیکولر اور جمہوریت کی بحالی کیلئے کوشش کرتے رہے ہیں۔

مرکزی بجٹ کو جملہ قرار دیتے ہوئے کہا کہ ملک کے عوام کو جھوٹے وعدوں سے بیوقوف نہیں بنایا جاسکتا ہے۔ممتا بنرجی کی حکومت کی سخت تنقید کرتے ہوئے یچوری نے کہا کہ دونوں حکومت یکساں ہے اور ایک ہی سکہ کے دور خ ہیں۔