بدانتظامی کی وجہ سے ملک کی عالمی شبیہ داغدار: اکھلیش

سابق وزیر اعلی نے کہا کہ "جو لوگ اب جھوٹ بول رہے ہیں وہ کیا ان اشاعتوں کی جائیداد ضبط کریں گے یا ان پر پابندیاں عائد کریں گے؟"

اکھلیش یادو، تصویر یو این آئی
اکھلیش یادو، تصویر یو این آئی
user

یو این آئی

لکھنؤ: عالمی وبا کورونا پر بھارتیہ جنتا پارٹی (بی جے پی) کی حکومت پر حملہ کرتے ہوئے سماج وادی پارٹی (ایس پی) کے صدر اکھلیش یادو نے جمعہ کو کہا کہ حکومت کی وجہ سے دنیا میں ہندوستان کی شبیہ داغدار ہوئی ہے۔ اکھلیش یادو نے ٹوئٹ کیا کہ "بی جے پی حکومت کی بدانتظامی کی وجہ سے کورونا سے ہلاکتوں کی خبروں سے ہمارے ملک کی عالمی امیج کو داغدار کر دیا ہے۔ اس سے دنیا بھر کے نامور اخبارات اور رسائل میں شائع کیا گیا ہے۔"

اکھلیش یادو نے طنز کرتے ہوئے کہا کہ کیا اب جھوٹ بولنے والی حکومت ان اشاعتوں کے اثاثوں کو ضبط کرنے کے لئے کارروائی کرے گی یا راسوکا کے تحت کارروائی کرے گی۔ سابق وزیر اعلی نے کہا کہ "جو لوگ اب جھوٹ بول رہے ہیں وہ کیا ان اشاعتوں کی جائیداد ضبط کریں گے یا ان پر پابندیاں عائد کریں گے؟"


واضح رہے کہ اکھلیش یادو مرکز اور اترپردیش کی بی جے پی حکومتوں پر الزام لگا رہے ہیں کہ وہ کورونا انفیکشن پھیلانے کے لئے ذمہ دار ہیں۔ پچھلے دنوں ریاست کے وزیر خزانہ سریش کھنہ نے انہیں اشتعال انگیز بیانات سے گریز کرنے کا مشورہ دیا تھا۔

Follow us: Facebook, Twitter, Google News

قومی آواز اب ٹیلی گرام پر بھی دستیاب ہے۔ ہمارے چینل (qaumiawaz@) کو جوائن کرنے کے لئے یہاں کلک کریں اور تازہ ترین خبروں سے اپ ڈیٹ رہیں۔