شیوراج سنگھ اسپتال سے فارغ، لوگوں سے کہا- ’لاپرواہی نہ برتیں‘

بھوپال: مدھیہ پردیش کے وزیراعلی شیوراج سنگھ چوہان نے کورونا انفیکشن کا علاج کرانے کے بعد آج چرایو اسپتال سے اپنی رہائش گاہ جانے کے دوران کہا کہ کورونا انفیکشن پر روک لگانے کے لئے ضروری ہے کہ کوئی بھی شخص لاپرواہی نہ برتے۔ چوہان نے لوگوں سے کہا کہ ان کی نظروں میں کورونا کے شروعاتی علامات نظر آنے پر علاج شروع کردیئے جانے پر یہ لاعلاج بیماری نہیں ہے۔ لیکن دیر ہونے پر یہ تکلیف دہ بن جاتی ہے۔

شیوراج سنگھ چوہان نے لوگوں سے اپیل کی کہ وہ بھیڑ والے کاموں سے بچیں۔ ماسک پہنیں، سینیٹائزر کا وقفے وقفے پر استعمال کرتے رہیں اور ایک طے وقفے کے بعد ہاتھوں کو بھی صابن سے بہت اچھے طریقے سے دھوتے رہیں۔

اس دوارن چرایو اسپتال کی جانب سے صبح جاری بلیٹن کے مطابق چوہان کی صحت سے متعلق سبھی پیرا میٹر ٹھیک ہیں اور انہیں اسپتال سے چھٹی دی جاسکتی ہے۔ اس کے بعد ضروری عمل پورے کرکے چوہان کو اسپتال سے گھر لے جانے کی اجازت دے دی گئی اور وہ بارہویں دن گھر روانہ ہوگئے۔ چوہان 25 جولائی کو کورونا وائرس سے متاثر پائے گئے تھے اور وہ اسی دن یہاں چرایو اسپتال میں داخل ہوگئے تھے۔ وزیراعلی کو آج بارہویں دن اسپتال سے چھٹی ملی ہے۔

اس دوران ریاستی بی جے پی کے میڈیا انچارج لوکیندر پراشر نے بتایا چوہان کو اسپتال سے چھٹی دے دی گئی ہے۔ وہ مکل طور پر صحت مند ہیں۔ کووڈ -19 گائڈلائن کے مطابق اگلے سات دن تک احتیاط کے ساتھ اپنی رہائش گاہ پر ہی رہیں گے اور اپنی صحت کا دھیان رکھیں گے۔ پراشر نے ان کی اچھی صحت کے لئے دعا کی ہے۔