بجٹ کے بعد شروع ہوا شیئر مارکیٹ کا زوال جاری، لگاتار ساتویں دن گراوٹ درج

گھریلو شیئر بازار پر لگاتار ساتویں دن جمعہ کو گراوٹ جاری رہی۔ حالانکہ شروعاتی کاروبار کے دوران سنسیکس اور نفٹی میں اتار چڑھاؤ دیکھنے کو ملا۔ بمبئی اسٹاک ایکسچینج (بی ایس ای) کے 30 شیئروں پر مبنی انڈیکس سنسیکس گزشتہ سیشن کی کلوزنگ سے تقریباً 37831.36 پر کھلا اور 37888.36 تک اُچھلا جب کہ اس کی نچلی سطح 37690.47 رہی۔

نیشنل اسٹاک ایکسچینج (این ایس ای) کے 50 شیئروں پر مبنی انڈیکس نفٹی پچھلے سیشن کے مقابلے کمزوری کے ساتھ 11247.75 پر کھلا اور 11267.75 تک اچھال جب کہ اس کی نچلی سطح 11210.05 رہی۔ سب سے زیادہ گرنے والے شیئروں میں ویدانتا، بجاج آٹو، ٹاٹا موٹرس، او این جی سی اور ٹیک مہندرا ہیں۔ وہیں نفٹی بینک، نفٹی پی ایس یو بینک اور نفٹی پرائیویٹ بینک چھوڑ کر نفٹی کے سبھی سیکٹر لال نشان میں ٹریڈ کر رہے ہیں۔ سب سے زیادہ گراوٹ والے سیکٹر نفٹی آئی ٹی اور نفٹی رئیلٹی ہیں۔

اس سے قبل شیئر بازار میں جمعرات کو شروعاتی تیزی برقرار نہیں رہ پائی تھی۔ بمبئی شئیر بازار کا سنسیکس اور این ایس ای نفٹی جمعرات کو معمولی گراوٹ کے ساتھ بند ہوا تھا۔