پولیس اہلکار، صحافی سمیت سات لوگ تاجرکےاغوا کے الزام میں گرفتار
اغوا شدہ لوگوں سے کہا گیا کہ پولیس کے پاس ان کو مڈ بھیر میں مارنے کا حکم ہے اور وہ اگر انہیں بارہ لاکھ روپے دے دیں تو ان کو اس مڈبھیڑ سے بچایا جا سکتا ہے۔
نوگھر پولیس نے اتوار یعنی کل بتایا کہ سات افراد کو ایک تاجر اور اس کے دوست کو مبینہ طور پر اغوا اور بھتہ خوری کے الزام میں گرفتار کیا گیا۔ان سات افراد میں پولیس اہلکار ا ور ایک صحافی بھی شامل ہے۔
ملزم کی شناخت ظاہر کیے بغیر پولیس نے بتایا کہ پولیس اہلکار نوی ممبئی پولیس میں ہے جبکہ صحافی کا تعلق بھائیندر کے مضافات سے ہے۔واضح رہے 14 اگست کو ایک تاجر سمیر سکپال اور اس کے دوست کو چار لوگوں نے ایک کار میں اغوا کیا اورایک سنسان جگہ پر لے گئے۔
ملزمین نے سمیر اور اس کے دوست پر ریوالور تان دی اور انہیں بتایا کہ کارمیں سوار لوگ نوی ممبئی پولس کے کرائم برانچ کے ہیں اور ان کے پاس مڈبھیڑ میں ان کو مارنے کے احکامات ہیں۔ انہوں نے مڈبھیڑ سے بچانے کے لئے متاثرین سے بارہ لاکھ روپے کا مطالبہ کیا۔
پولس نے بتایا کہ بعد میں ملزمین نے سمیر اور اس کے دوست کی جیب سے پچاس ہزار روپے جبرا چھین لئے اور ایک متاثر سے گلے میں پہنے ہوئے لاکٹ کو بھی چھین لیا۔جب سمیر کے دوست پیسے لے کر آئے تو ملزم نے انہیں پولس والا سمجھ لیا اور متاثرین کو ایک سنسان جگہ لے جا کر چھوڑ دیا اور وہاں سے فرار ہوگئے۔
پولس نے بتایا کہ متاثرین کی شکایت کی بنیاد پر متعلقہ آئی پی سی سیکشن کے ساتھ ساتھ اسلحۃ ایکٹ کے تحت مقدمہ درج کیا گیا ہے۔پولس نے مزید بتایاکہ جمعہ کو پکڑے گئے ملزمین کو سی سی ٹی وی فوٹیج اور دیگر انٹلی جنس اطلاعات کی بنیاد پر گرفتار کیا گیا ۔ دو مفرور لوگوں کی تلاش جاری ہے۔
Follow us: Facebook, Twitter, Google News
قومی آواز اب ٹیلی گرام پر بھی دستیاب ہے۔ ہمارے چینل (qaumiawaz@) کو جوائن کرنے کے لئے یہاں کلک کریں اور تازہ ترین خبروں سے اپ ڈیٹ رہیں۔