پتنجلی ایجوکیشنل انسٹی ٹیوٹ کی چھت سے کود کر سادھوی کی خود کشی

پولیس نے بتایا کہ سادھوی مدھیہ پردیش کی رہنے والی ہے اور گزشتہ چھ برسوں سے یہیں پر رہ رہی تھی۔ سادھوی نے خودکشی کیوں کی ہے، ابھی اس بارے میں کچھ واضح نہیں ہو پایا ہے۔

لاش برآمد، تصویر آئی اے این ایس
لاش برآمد، تصویر آئی اے این ایس
user

یو این آئی

ہریدوار: اتراکھنڈ کے ضلع ہریدوار کے بہادرآباد علاقے میں واقع پتنجلی یوگ پیٹھ کی برانچ ویدک کنیا گروکُلم میں ایک سادھوی نے آج انسٹی ٹیوٹ کی عمارت سے کود کر خود کشی کر لی۔ پتنجلی یوگ پیٹھ کے ویدک کنیا گروکُلم میں سادھوی ویداگیا کی مشتبہ حالت میں خودکشی کرنے سے پتنجلی میں کہرام مچ گیا ہے۔ پولیس کے مطابق ایک سوسائیڈ نوٹ ملا ہے۔ پولیس نے موقع پر پہنچ کر واقعہ کی معلومات حاصل کی اور تفتیش میں سرگرم ہو گئی۔

پولیس نے بتایا کہ سادھوی مدھیہ پردیش کی رہنے والی ہے اور گزشتہ چھ برسوں سے یہیں پر رہ رہی تھی۔ سادھوی نے خودکشی کیوں کی ہے، ابھی اس بارے میں کچھ واضح نہیں ہو پایا ہے۔ بہادرآباد تھانہ انچارج پرویز علی کا کہنا ہے کہ پتنجلی یوگ پیٹھ کے ویدک کنیا گروکُلم میں ایک سادھوی نے بلڈنگ سے کود کر خودکشی کر لی ہے۔ سادھوی کے پاس سے سوسائیڈ نوٹ بھی ملا ہے جس میں مذہبی باتوں کا ذکر کیا گیا ہے۔ لاش ابھی جائے وقوعہ ویدک کنیا گروکُلم میں ہی ہے، سادھوی کے اہل خانہ کو مطلع کر دیا گیا ہے۔

قومی آواز اب ٹیلی گرام پر بھی دستیاب ہے۔ ہمارے چینل (qaumiawaz@) کو جوائن کرنے کے لئے یہاں کلک کریں اور تازہ ترین خبروں سے اپ ڈیٹ رہیں۔