کورونا بحران میں راجستھان حکومت نے 6 ریاستوں کے سامنے رکھی بہترین پیشکش

راجستھان نے اپنی پڑوسی ریاستوں کو کورونا ٹیسٹنگ سہولت دینے کی پیشکش کی ہے۔ اشوک گہلوت نے کہا کہ اگر میں یو پی، دہلی، ایم پی، پنجاب، ہریانہ اور گجرات چاہیں تو روزانہ 5000 ٹیسٹ راجستھان میں کر سکتے ہیں۔

تصویر سوشل میڈیا
تصویر سوشل میڈیا
user

قومی آوازبیورو

راجستھان کی گہلوت حکومت نے پڑوسی ریاستوں میں کورونا انفیکشن کے بڑھتے معاملوں کو دیکھتے ہوئے کووڈ-19 ٹیسٹنگ سہولت مہیا کرنے کی پیشکش کی ہے۔ وزیر اعلیٰ اشوک گہلوت نے اتوار کی رات اعلان کیا کہ اگر ضرورت ہو تو اس مشکل وقت میں اتر پردیش، دہلی، مدھیہ پردیش، پنجاب، ہریانہ اور گجرات ہر روز 5000 ٹیسٹنگ راجستھان میں کر سکتے ہیں۔

اشوک گہلوت نے ساتھ ہی یہ بھی اعلان کیا ہے کہ جولائی کے آخر تک ریاست کے سبھی ضلع اسپتالوں میں سلنڈر کی جگہ پائپ لائن کے ذریعہ سے آکسیجن کی فراہمی ہوگی۔ کورونا بحران پر تجزیہ کے لیے اتوار کو وزیر اعلیٰ رہائش پر منعقد ایک اعلیٰ سطحی میٹنگ میں گہلوت نے کہا کہ جب ریاست میں شروع میں پہلے کووڈ-19 معاملوں کی رپورٹ آئی تھی تب ہماری ٹیسٹنگ صلاحیت صفر تھی۔ اب یہاں روزانہ 15 ہزار ٹیسٹنگ ہو رہے ہیں۔


وزیر اعلیٰ کا کہنا ہے کہ ہمارے یہاں (راجستھان میں) ریکوری کی شرح قومی اوسط سے بہتر رہی ہے۔ ملک میں ریکوری اور ٹیسٹنگ سہولت کے معاملے میں راجستھان دوسرے نمبر پر ہے۔ یہاں ریکوری کی شرح 75 فیصد ہے۔ اتوار کی رات تک یہاں کل 598920 کورونا ٹیسٹ کیے جا چکے ہیں۔ اس کی تصدیق ایڈیشنل چیف ہیلتھ سکریٹری روہت کمار سنگھ نے کی ہے۔

Follow us: Facebook, Twitter, Google News

قومی آواز اب ٹیلی گرام پر بھی دستیاب ہے۔ ہمارے چینل (qaumiawaz@) کو جوائن کرنے کے لئے یہاں کلک کریں اور تازہ ترین خبروں سے اپ ڈیٹ رہیں۔


Published: 15 Jun 2020, 4:10 PM