مودی حکومت کے خلاف اپوزیشن پارٹیوں کا مظاہرہ، پارلیمنٹ کے احاطے میں نعرے بازی

نئی دہلی: پارلیمنٹ کے احاطےمیں آج ترنمول کانگریس، اے آئی اےڈی ایم کے، ٹی ڈی پی، وائی ایس آر نے الگ الگ مطالبہ کرتے ہوئے مظاہرہ کیا۔

پارلیمنٹ کی کاروائی شروع ہونے سے قبل ان پارٹیوں نے بابائے قوم گاندھی جی کے مجسمے کے سامنے دھرنا دیا۔ ترنمول کانگریس کے اراکین نے بے روز گاری کا مسئلہ اٹھاتے ہوئے حکومت کو گھیرنے کی کوشش کی۔ وہ ’بھاشن نہیں، نوکری دو‘، سارے دیش کا نعرہ ہے، مودی سرکار جا رہا ہے‘ اور ’یواؤں کو نہ کام نہ روزگار، مودی سرکار ہے بے کار‘کے نعرے لگا رہے تھے۔

اے آئی اے ڈیم ایم کے، کے اراکین پارلیمنٹ کاویری پر بے تحاشہ باندھ کی تعمیر کو روکنے کے مطالبے میں مظاہرہ کر رہے تھے۔ ’اسے بند کرو، اسے بند کرو اور ’مودی سرکار کسان مخالف کام بند کرو‘ کے نعرے لگا رہے تھے۔ ان کی تختیوں پر ’کاویری بندھ مت بناؤ‘ اور ’تملناڈو کے حقوق کی حفاظت کرو‘ لکھے ہوئے تھے۔

ٹی ڈی پی اور وائی ایس آر کانگریس کے اراکین گاندھی جی کے مجسمے کے سامنے آندھر اپردیش کو خصوصی ریاست کا درجہ دیے جانے کا مطالبہ کر رہے تھے۔اداکار سے رکن پارلیمنٹ بننے والے ٹی ڈی پی کے رہنما نرامَلِّی شیو پرساد رویایتی ’کتھا واچک‘ کے شکل میں آئے تھے اور ملک کے موجودہ سیاسی ماحول پر تیلگو میں تبصرے کر رہے تھے۔