صدر جمہوریہ کورونا سے لڑنے کے لئے حکومت کو احکامات جاری کریں: یچوری

سیتا رام یچوری نے خط میں کورونا سے لڑنے کے لئے کئی مشورے بھی دیئے ہیں اور صدر کووند سے کہا ہے کہ وہ ان مشوروں پر عمل درآمد کے لئے ملک کے آئینی سربراہ کی حیثییت سے حکومت کو حکم دیں۔

تصویر سوشل میڈیا
تصویر سوشل میڈیا
user

یو این آئی

نئی دہلی: مارکسی کمیونسٹ پارٹی کے سکریٹری جنرل سیتا رام یچوری نے صدر جمہوریہ ہند رام ناتھ کووند سے کورونا وائرس (کووڈ۔19) سے زمینی سطح پر لڑنے کے لئے حکومت کو خصوصی اقدام کرنے کے احکامات دینے کی اپیل کی ہے۔

یچوری نے منگل کو کووند کوخط لکھ کر کورونا بحران کے معاملے میں فوری طور سے مداخلت کرنے کا مطالبہ کیا ہے اور اس بات پر اپنی فکرمندی کا اظہار کیا ہے کہ مودی حکومت نے کورونا سے لڑنے کے لئے دو علامتی کام کیے جبکہ اسے زمینی سطح پر ٹھوس اقدام کرنے چاہیے تھے۔ انہوں نے خط میں کورونا سے لڑنے کے لئے کئی مشورے بھی دیئے ہیں اور کووند سے کہا ہے کہ وہ ان مشوروں پر عمل درآمد کے لئے ملک کے آئینی سربراہ کی حیثییت سے حکومت کوحکم دیں۔

سی پی آئی (ایم) لیڈر نے کہا ہے کہ مودی حکومت نے لاک ڈان کا فیصلہ اچانک کیا اور ریاستی حکومتوں کواعتماد میں نہیں لیا جس سے لوگوں کو خصوصی طور سے غریب طبقہ اور غیرمقیم مزدورون کو اپنے گھر لوٹنے میں پریشانیوں کا سامنا کرنا پڑا۔

انہوں نے کہا کہ مودی نے جنتا کرفیوکے لئے دو دن کا وقت دیا تھا جبکہ لاک ڈاؤن کے لئے صرف چار گھنٹوں کا وقت دیا جس سے افراتفری اور انتشار کا ماحول پیدا ہوگا۔ اس لئے آپ سے درخواست کرتا ہوں کہ لاکھوں غیر مقیم مزدوروں کا خصوصی خیال رکھا جائے جن کی نوکری چلی گئی ہے اور ان کے لئے گاؤں پہنچنا مشکل ہوگیا ہے۔ جس طرح سے بیرون ممالک میں پھنسے ہندوستانیوں کو جہاز سے لایا گیا اسی طرح انہیں ان کے گھر پہنچایا جائے کیونکہ اب فصل کٹائی کا بھی وقت ہوگیا ہے۔ ان کے لئے عارضی کیمپ لگائے جائیں اور سوشل ڈسٹنسنگ کا پالن کیا جائے۔

next