تیل قیمتوں کا اضافہ جاری، پٹرول ممبئی میں 90، دہلی میں 82 کے قریب

ملک بھر میں پٹرول اور ڈیزل کی قیمتوں میں اضافہ بے تحاشہ اضافہ کا سلسلہ لگاتار جاری ہے۔۔ ممبئی میں ہفتہ کے روز پٹرول 89 روپے اور ڈیزل 78 روپے فی لیٹر کے پار پہنچ گیا تھا، اتوار کے روز قیمتوں میں مزید اضافہ ہو گیا۔

ادھر دہلی میں پٹرول کی قیمت 82 روپے فی لیٹر کے قریب پہنچ گئی ہے جبکہ ڈیزل بھی 74 روپے تک پہنچے والا ہے۔۔ یہاں پٹرول کی قیمت 79.99 روپے فی لیٹر ہو گئی ہے۔ دہلی میں اتوار کے روز پٹرول کے داموں میں 28 جبکہ ڈیزل کے داموں میں 18 پیسے کا اضافہ ہوا، اضافہ کے بعد پٹرول 81.91 روپے فی لیٹر اور ڈیزل 73.72 روپے فی لیٹر تک پہنچ گیا ہے۔

ملک کے بڑے شہروں کی بات کریں تو ممبئی میں پٹرول سب سے مہنگا ہے۔ اتوار کے روز ممبئی پٹرول کے دام 28 پیسے کا اضافہ ہونے کے بعد 89.29 روپے فی لیٹر ہو جبکہ ڈیزل کے دام 19 پیسے کا اضافہ ہونے کے بعد 78.26 روپے فی لیٹر ہو گئے۔

ادھر کولکاتہ میں پٹرول کے دام 27 پیسے جبکہ ڈیزل کے دام 18 پیسے اور بڑھ گئے یہاں پٹرول کے دام 83.76 روپے فی لیٹر جبکہ ڈیزل کے دام 75.57 روپے فی لیٹر ہو گئے ہیں۔

ملک کے چوتھے بڑے شہر چنئی میں پٹرول 30 پیسے اور ڈیزل 20 پیسے فی لیٹر مہنگا ہوا ہے یہاں پٹرول کی قیمت 85.15 روپے فی لیٹر جبکہ ڈیزل کی قیمت 77.94 روپے فی لیٹر ہو گئی ہے۔

دہلی میں پٹرول 81.91 اور ڈیزل 73.72 روپے فی لیٹر

ممبئی میں پٹرول 89.29 اور ڈیزل 78.26 روپے فی لیٹر

کولکاتہ میں پٹرول 83.76 اور ڈیزل 75.57 روپے فی لیٹر

چنئی میں پٹرول 85.15 اور ڈیزل 77.94 روپے فی لیٹر