مہاراشٹر میں دردناک سڑک حادثہ، ٹرک-پٹرول ٹینکر کی شدید ٹکر میں 9 افراد زندہ جلے

ٹکر اتنی شدید تھی کہ دونوں ٹرکوں میں آگ لگ گئی اور اس کی زد میں آ کر 9 افراد نے جائے حادثہ پر ہم دم توڑ دیا، حادثہ میں دونوں گاڑیوں کے ڈرائیوروں کی بھی موت ہو گئی۔

سڑک حادثہ، تصویر یو این آئی
سڑک حادثہ، تصویر یو این آئی
user

قومی آوازبیورو

مہاراشٹر کے چندرپور میں جمعہ کی علی الصبح دردناک حادثہ ہوا۔ جانکاری کے مطابق شدید حادثہ میں 9 لوگوں کی موت ہوئی ہے۔ جانکاری کے مطابق تیز رفتار سے آ رہے ایک ٹرک اور پٹرول ٹینکر آپس میں ٹکرا گئے ہیں۔ ٹکر اتنی شدید تھی کہ دونوں ٹرکوں میں آگ لگ گئی اور آگ کی زد میں آ کر 9 لوگوں نے موقع پر دم توڑ دیا۔ حادثہ میں دونوں گاڑیوں کے ڈرائیوروں کی بھی موت ہو گئی۔ حالانکہ لاش اتنی بری طرح جل گئی ہیں کہ ان کی شناخت کرنا مشکل ہو رہا ہے۔

اس شدید حادثہ کے بعد کئی گھنٹوں تک چندرپور شہر کی طرف جانے والی سڑک پر ٹریفک جام کا نظارہ دیکھنے کو ملا۔ شاہراہ کے دونوں طرف گاڑیوں کی طویل قطار دکھائی دے رہی تھی۔ آگ کی لپٹوں سے پاس کے جنگل میں آگ لگ گئی۔ چندر پور پولیس کا کہنا ہے کہ شہر کے اہم شاہراہ پر اجئے پور گاؤں کے پاس ایک پٹرول ٹینکر اور ٹرک کی آمنے سامنے ٹکر ہوئی ہے۔ ٹرک کے ٹائر کے پھٹنے کے بعد وہ بے قابو ہو کر سامنے سے آ رہے ٹینکر سے ٹکرا گیا اور اس میں شدید آگ لگ گئی۔

قومی آواز اب ٹیلی گرام پر بھی دستیاب ہے۔ ہمارے چینل (qaumiawaz@) کو جوائن کرنے کے لئے یہاں کلک کریں اور تازہ ترین خبروں سے اپ ڈیٹ رہیں۔