’یہ انتقامی کارروائی ہے‘،ممبئی پریس کلب اور اُردو جرنلسٹ ایسوسی ایشن کا مذمتی بیان

ممبئی پریس کلب اور اُردو جرنلسٹ ایسوسی ایشن نے گزشتہ روز گجرات پولیس کے ہاتھوں صحافی اور انسانی حقوق کی کارکن تیستا سیتلواڑکی گرفتاری کی مذمت کرتے ہوئے افسوس کا اظہار کیا ہے۔ اُردو جرنلسٹ ایسوسی ایشن کے نائب صدر اور ترجمان جاوید جمال الدین نے بھی ایک بیان میں کہاہے کہ تیستا کی گرفتاری جمہوریت کا گلا گھونٹنے کےمترادف ہے۔انہوں نے کہاکہ ایسوسی ایشن کے صدر خلیل زاہد نے بھی س کی سخت مذمت کی ہےاور اسے انتقامی کارروائی قرار دیاہے۔

واضح رہے کہ جمعہ 24 جون کو سپریم کورٹ کی طرف سے ایک عرضی کو خارج کرنے کے بعد یہ ہوا جس میں تیستا ایک شریک درخواست گزار ہیں ۔ واضح رہے اس عرضی میں 2002 کے گجرات فسادات کیس کے سلسلے میں نچلی عدالت کے حکم کے خلاف اپیل کی گئی تھی۔

واضح رہے معاملہ احمد آباد میں درج کیا گیا تھااور گجرات پولیس نے تیستا کو ان کے ممبئی کے گھر سےلے جا کر سانتا کروز پولیس اسٹیشن اور اس کے بعد احمد آباد میں کرائم برانچ کے ہیڈکوارٹر لے گئی۔
کہا گیا ہے کہ بدقسمتی سے، تیستا اور دیگر، جنہوں نے 2002 کے فرقہ وارانہ تشدد کے متاثرین کے لیے اپنی آواز بلند کی، اب انہیں انتظامیہ کے ذریعہ انتقامی کارروائیوں میں قربانی کا بکرا بنایا جا رہا ہے۔
تیستا سمیت درخواست گزاروں کو عدالتی احکامات پر اعلی عدالت سے رجوع کرنے کا حق ہے۔ تاہم، چونکہ عدالت عظمیٰ نے درخواست گزاروں سے اتفاق نہیں کیا، اس لیے وہ ایگزیکٹیو کو یہ حق نہیں دیتا کہ وہ ان لوگوں کے خلاف وچ ہنٹ شروع کرے جنہوں نے خصوصی تحقیقاتی ٹیم کے نتائج پر سوال اٹھایا تھا۔

صحافت میں تقریباً دو دہائیوں تک کام کرنے کے بعد تیستا انسانی حقوق کی ایک سرگرم کارکن بن گئیں اور شہری حقوق کے ادارے سٹیزن فار پیس اینڈ جسٹس کے سیکرٹری کے طور پر خدمات انجام دے رہی تھیں۔

یہ ناقابل قبول ہے کہ جو شخص سیول انصاف کے لیے لڑ رہا ہے اس پر ثبوت گھڑنے اور خصوصی تحقیقاتی ٹیم کو گمراہ کرنے کا الزام لگایا جائے۔بیان میں کہا گیا ہے کہ وہ انتقام کی سیاست کے خاتمے اور ان کے خلاف الزامات کو ختم کرنے کا مطالبہ کرتے ہیں۔ وہ ہر جگہ کے صحافیوں سے بھی مطالبہ کرتے ہیں کہ وہ انصاف کے اس ظلم کے خلاف آواز اٹھائیں اور تیستا کی جلد از جلد رہا ئی کو یقینی بنائیں۔