پرینکا گاندھی سے لپٹ کر زار و قطار روئی ہاتھرس متاثرہ کی ماں، دیکھیں ویڈیو...

کافی جدوجہد کے بعد آج بالآخر کانگریس کے قومی صدر راہل گاندھی اور پارٹی جنرل سکریٹری پرینکا گاندھی اجتماعی عصمت دری کی شکار 19 سالہ معصوم لڑکی کے اہل خانہ سے ملاقات کے لیے ہاتھرس پہنچے۔ پرینکا گاندھی جب متاثرہ کے گھر میں داخل ہوئیں تو ایک خوف اور ماتم کا ماحول تھا۔ اپنی بیٹی پر ہوئی بربریت اور پھر اس کی موت کے غم میں نڈھال ہوئی والدہ پرینکا گاندھی کو دیکھ کر اس کے گلے لگ گئیں اور زار و قطار رونے لگیں۔ پرینکا گاندھی نے انھیں کسی طرح سمجھایا اور کہا کہ وہ انصاف ملنے تک ان کا ساتھ دیں گی اور انصاف کی اس لڑائی کو کسی بھی حال میں ختم نہیں ہونے دیں گی۔ 'قومی آواز' کے قارئین کے لیے پیش ہے وہ ویڈیو جس میں عصمت دری متاثرہ کی ماں پرینکا گاندھی کے گلے لگ کر رو رہی ہیں۔