لاک ڈاؤن: کرناٹک میں سیکنڈری اسکول کے امتحانات مئی تک ملتوی

کرناٹک ایجوکیشن بورڈ نے ریاست میں تیزی سے بڑھ رہے کورونا وائرس کو روکنے کے لئے لاک ڈاؤن کی مدت بڑھائے جانے کے امکانات کے درمیان ایس ایس ایل سی کے لئے ہونے والا سالانہ امتحان مئی تک ملتوی کر دیا ہے

تصویر سوشل میڈیا
تصویر سوشل میڈیا
user

یو این آئی

بنگلورو: کرناٹک ایجوکیشن بورڈ نے ریاست میں تیزی سے پھیل رہے کورونا وائرس کو روکنے کےلئے لاک ڈاؤن کی مدت بڑھائے جانے کے امکانات کے درمیان جمعہ کو سیکنڈری اسکول لیونگ سرٹیفکیٹ (ایس ایس ایل سی) کےلئے ہونے والا سالانہ امتحان مئی تک ملتوی کر دیا ہے۔

ابتدائی اور اعلی تعلیم کے وزیر ایس سریش کمار نے یہ بھی اعلان کیا کہ پری یونیورسٹی کورس(پی یو سی)امتحان بھی مئی تک کے لئے ملتوی کردیاگیاہے۔انہوں نے بتایا کہ آئندہ وقت میں حالات کی بنیاد پر امتحانات کی تاریخ کا اعلان کیاجائےگا اور تیاری کےلئے وقت دینے کےلئے امتحان کی تاریخ سے ایک ہفتے پہلے طلبہ کو مطلع کردیا جائےگا۔


ایس ایس ایل سی اور پی یو سی امتحانات اس مہینے اور اگلے مہینے کے شروعات میں ہونے والے تھے۔یہ دوسری بار ہے جب افسروں نے لاک ڈاؤن کی وجہ سے امتحانات ملتوی کئےہیں۔

واضح رہے کہ کرناٹک میں ایس ایس ایل سی امتحان سے ہی ایک بچے کے مستقبل کے بارے میں فیصلہ ہوتا ہے۔اس کے علاوہ جو طلبہ بزنس کورسز میں داخلہ لینے کے خواہش مند ہوتے ہیں ،ان کا پی یو سی امتحان میں کم از کم 75فیصد نمبر حاصل کرنا لازمی ہوتا ہے۔

Follow us: Facebook, Twitter, Google News

قومی آواز اب ٹیلی گرام پر بھی دستیاب ہے۔ ہمارے چینل (qaumiawaz@) کو جوائن کرنے کے لئے یہاں کلک کریں اور تازہ ترین خبروں سے اپ ڈیٹ رہیں۔