اہم خبریں: افغانستان میں ہوئے حملے میں 7 مزدور ہلاک

کابل: افغانستان کے صوبہ ننگرہار کے ضلع سوخود میں نامعلوم حملہ آور کے حملے میں فیکٹری کے سات مزدور ہلاک ہو گئے۔ طلوع نیوز کے مطابق صوبائی پولیس چیف میجر جنرل جمعہ گل ہمت نے بتایا کہ عمارت کی تعمیر میں مصروف سات مزدوروں کو بدھ کی رات ہلاک کردیا گیا۔ یہ حملہ نامعلوم حملہ آوروں نے کیا تھا۔

ذرائع کا کہنا ہے کہ ہلاک ہونے والے تمام افراد فیکٹری مزدور ہیں۔ سب بامیان کے رہائشی ہیں۔ جائے واقع سے لی گئی تصویروں کو دیکھ کر ایسا معلوم ہوتا ہے کہ سب کو گولی مار کر ہلاک کردیا گیا تھا۔ ان کے ہاتھ بھی بندھے ہوئے تھے۔ ابھی تک اس حملے کی وجہ معلوم نہیں ہوسکی ہے۔ ابھی تک کسی دہشت گرد تنظیم نے اس واقعہ کی ذمہ داری قبول نہیں کی ہے۔

مہاراشٹر کانگریس کمیٹی کے صدر نانا پٹولے نے کہا، ’’بھگوان شری رام جی کے نام پر چندہ لینے والے کچھ لوگ میرے پاس آیے۔ میں نے ان سے پوچھا کہ 30 سال پہلے آپ مندر بنانے کے لیے پیسے لے کر گیے تھے وہ پیسے کہاں گیے؟ تو انہوں نے کہا کہ اگر آپ نے پیسے نہیں دیے تو آپ کو دھرم سے باہر نکال دیں گے۔‘‘

ہندوستان اور انگلینڈ کے مابین ٹیسٹ سیریز کا چوتھا اور آخری میچ احمد آباد کے نریندر مودی پر کھیلا جا رہا ہے۔ ٹاس جیتنے کے بعد انگلینڈ کی پہلی اننگز پہلے بیٹنگ کرنے آئی اور 205 رنز پر ڈھیر ہو گئی۔ انگلینڈ کی جانب سے بین اسٹوکس نے سب سے زیادہ 55 رنز بنائے۔ جبکہ ہندوستان کی طرف سے اکشر پٹیل (4 وکٹ)، آر اشون (3 وکٹ) اور محمد سراج (2 وکٹ) نے شاندار گیند بازی کا مظاہرہ کرتے ہوئے انگلینڈ کی ٹیم کی کمر توڑ دی۔