بڑی خبر: رول ماڈل گجرات میں چور اے ٹی ایم مشین لے کر فرار

احمد آباد: گجرات کو ملک میں رول ماڈل ریاست تصور کیا جاتا ہے اور اس کی خوب تشہیر بھی ہوئی ہے۔ لیکن اس ریاست گجرات کے احمد آباد میں چوری کا حیران کرنے والا واقعہ پیش آیا ہے۔ ذرائع کے مطابق احمد آباد کے اسلالی تھانہ علاقہ میں نامعلوم چور آج علی الصبح اے ٹی ایم مشین کو ہی اٹھا کر لے گئے۔

اس واقعہ کے تعلق سے پولس نے بتایا کہ نارول - لانبھا روڈ میں اندرانگر محکمہ 2 میں کینرا بینک کے اس اے ٹی ایم مشین کو اٹھانے کے لئے چور ایک بڑی گاڑی سے آئے تھے۔ اے ٹی ایم مشین لے کر فرار ہونے سے قبل ان چوروں نے سی سی ٹی وی کیمرہ کو بھی توڑ ڈالا۔

دہلی میں سی بی آئی سربراہ آلوک ورما کی رہائش سے جاسوسی کے الزام میں جن آئی بی افسران کو گرفتار کیا گیا تھا انہیں دہلی پولس نے رہا کر دیا ہے۔ این ڈی ٹی وی کی رپورٹ کے مطابق، اس معاملہ میں نہ آلوک ورما نے کوئی شکایت درج کرائی ہے اور نہیں آئی بی نے اپنے افسران کے ساتھ ہوئی دھکا مکی پر کوئی شکایت کی ہے۔

سی بی آئی کے خصوصی سربراہ راکیش استھانہ اور دوسرے سی بی آئی افسران کے خلاف جانچ کے لئے ایس آئی (خصوصی تفتیشی ٹیم) تشکیل دینے کا مطالبہ کرتے ہوئے سپریم کورٹ میں عرضی داخل کی گئی ہے۔ عرضی پر سماعت کے لئے سپریم کورٹ تیار ہو گیا ہے۔ عرضی سینئر ایڈوکیٹ پرشانت بھوشن نے داخل کی ہے۔

دریں اثنا دہلی میں واقع سی بی آئی کے صدر دفتر کی سیکورٹی میں اضافہ کیا گیا ہے۔

مدراس ہائی کورٹ نے تمل ناڈو اسمبلی میں اے آئی اے ڈی ایم کے کے 18 اراکین اسمبلی کو ایوان کی رکنیت کے لئے نااہل قرار دینے کے اسپیکر پی دھنپال کے فیصلے کو صحیح بتایا ہے۔

عدالت نے جمعرات کو دل بدل مخالف قانون کے التزامات کے تحت اے آئی اے ڈی ایم کے لیڈر ٹی ٹی وی دناکرن گروپ کے 18اراکین اسمبلی کی نااہلیت کو برقرار رکھا۔

دراصل جن 18اراکین اسمبلی کو نااہل اعلان کیا گیا ہے وہ دناکرن گروپ کے سمجھے جاتے ہیں۔ اس سے پہلے اس معاملے میں ہائی کورٹ کا 14جو ن کو غیرمتفقہ فیصلہ آیا تھا۔ اس کے بعد سپریم کورٹ کے ذریعہ مقرر کردہ جج ایم ستیہ نارائن کو اس معاملہ کی ذمہ داری دی گئی۔

جج ستیہ نارائن نے اس وقت کے چیف جسٹس ایم ایس اندرا بنرجی کے فیصلے سے اتفاق کرتے ہوئے اسپیکر کے اس فیصلے میں مداخلت نہیں کرنے کا فیصلہ کیا۔ عدالت کے اس فیصلہ سے صاف ہے کہ اب تمل ناڈو حکومت کو کوئی خطرہ نہیں ہے۔

فیصلہ کے بعد ٹی دناکرن نے میڈیا سے کہا، ’’یہ ہمارے لئے کوئی جھٹکا نہیں ہے، ہم ہر صورت حال کا سامنا کریں گے۔‘‘