کیرالہ: وائناڈ کے دورے پر راہل گاندھی، روڈ شو کے ذریعے عوام کو کریں گے شکریہ

کانگریس صدر راہل گاندھی آج سے کیرالہ کے وائناڈ کا دورہ کریں گے، جہاں سے انہوں نے پارلیمانی انتخابات میں جیت درج کی ہےِ، کانگریس صدر وہاں کے لوگوں کا شکریہ دیں گے، راہل گامدھی وائناڈ میں ایک روڈ شو بھی کریں گے اور بعد میں ایک جلسے عام سے بھی خطاب کریں گے۔ بتا دیں کہ راہل گاندھی تین دن کیرالہ میں رہیں گے، کانگریس صدر راہل ھاندھی نے ٹوئٹ کے ذریعہ اس کی اطلاع دی۔

راہل گاندھی آج ملا پورم میں روڈ شو کریں گے اور اس کے بعد جلسہ عام میں کانگریس کارکنان سے خطاب کریں گے۔ ان کا روڈ شو دوپہر قریب 2:30 بجے ونڈور سے شروع ہوکر شام تقریباً 6 بجے موككوم میں ختم ہو گا، جہاں وہ کانگریس کارکنان سے خطاب کریں گے، اس کے بعد کانگریس صدر راہل گاندھی ہفتہ کو بھی وہیں رہیں گے اور وائناڈ ضلع میں روڈ شو کریں گے، یہ روڈ شو صبح 10 بجے كلپتّا سے شروع ہوکر دوپہر تقریباً دو بجے منتاواڑی میں ختم ہو گا۔ راہل گاندھی نے بتایا کہ وہ تین دن میں 15 جگہ ان کو دیئے کانے والے استقبالیہ میں شامل ہوں گے۔

غور طلب ہے کہ راہل گاندھی اتر پردیش کی امیٹھی سیٹ کے ساتھ کیرالہ کے وائناڈ سے بھی پارلیمانی سیٹ کے لئے انتخاب لڑا تھا، راہل گاندھی نے وائناڈ میں مخالف امیدوار پی پی سونير کو 4.31 لاکھ ووٹوں کے فرق سے ہرایا تھا۔ راہل گاندھی ریاست میں ریکارڈ فرق سے جیتے ہیں۔ وہیں بی جے پی امیدوار تشار ویلّا پلّی 78000 ووٹ پاکر تیسرے مقام پر رہے تھے۔