کمل ناتھ اور دگوجے کی کسانوں کے امور پر شیوراج سے ملاقات

بھوپال: مدھیہ پردیش کے وزیر اعلی شیوراج سنگھ چوہان سے آج یہاں اسمبلی میں اپوزیشن لیڈر کمل ناتھ اور سابق وزیراعلیٰ دگوجے سنگھ نے ملاقات کرکے کسانوں سے متعلق مسائل پر تبادلہ خیال کیا۔ سرکاری ذرائع کے مطابق کمل ناتھ اور دگ وجے سنگھ کی ٹیم اور سوٹھالیہ پروجیکٹوں سے متاثر تقریباً دو درجن کسانوں کے ساتھ چوہان سے ان کی رہائش گاہ پر ملاقات کرنے پہنچے۔ اس دوران کسانوں نے خود اپنے مسائل چوہان کو بتائے۔ ذرائع کے مطابق شیوراج چوہان نے کسانوں کے مسائل حل کرنے کی یقین دہانی کرائی ہے۔

دگ وجے سنگھ کسانوں کے مسائل کے سلسلے میں شیوراج سنگھ چوہان سے کافی عرصے سے وقت مانگ رہے تھے۔ دو روز قبل انہوں نے اس معاملے پر دھرنا بھی دیا تھا۔ اس وقت دگ وجے سنگھ کو اتوار کو ملنے کے لیے بلایا گیا تھا۔ لیکن آج دگ وجے سنگھ کے ساتھ کمل ناتھ بھی چوہان سے ملنے ان کی رہائش گاہ پر پہنچے۔