میں نے اَپنے خاندان سے سچ بولنے کا سبق سیکھا: راہل

پونے: کانگریس کے صدر راہل گاندھی نے جمعہ کو طلبہ کے ساتھ بات چیت کرتے ہوئے کہا کہ ’’سوال کا جواب دینے کے لئے ہمت چاہئے اور آج میں جو کچھ بھی ہوں ہمت کی وجہ سے ہوں‘‘۔

راہل گاندھی اس دوران بغیر کسی کا نام لیے کہا کہ جھوٹ بولنے والے لوگ ڈرتے ہیں، لیکن میں نے اپنے خاندان سے سیکھا ہے کہ سچ بولنا چاہئے اور سچائی کا سامنا کرنا چاہئے۔ میں جھوٹ نہیں بولتا اور جھوٹا وعدہ نہیں کرتا۔ راہل گاندھی نے جب کہا کہ وہ راہل مودی سے محبت کرتے ہیں تو بچے مودی ... مودی کے نعرے لگانے لگے۔

بات چیت کے دوران طلبا نے راہل گاندھی سے پوچھا کہ آپ نے اپنے انتخابی منشور میں لکھا ہے کہ پانچ کروڑ غریب خاندان کے لوگوں کو ہر سال 72 ہزار روپے دیں گے لیکن اس کا انتظام آپ کس طرح کریں گے، راہل گاندھی نے کہا کہ میں جھوٹ نہیں بولتا اس لئے میری ذمہ داری ہوگی کہ لوگوں کو ہر سال 72 ہزار روپے ملے۔

انہوں نے کہا کہ وزیراعلی مودی نے نوٹ کی منسوخی کی جو غلط فیصلہ تھا اور آپ اس سلسلے میں کسی بھی اقتصادیات کے ماہر سے بات کر سکتے ہیں۔ اس فیصلے کی وجہ سے دو فیصد جی ڈی پی کی شرح گر گئی اور لاکھوں روزگار چلی گئی اور اب اس نقصان کو بھرا نہیں جا سکتا۔

انہوں نے کہا کہ ہم لوگ کئی طرح کی ایسی پالیسیوں پر غور کر رہے ہیں جو ملک میں روزگار کے لئے اچھے مواقع ہوں گے ۔
انہوں نے بالاكوٹ میں ہندوستانی فضائیہ کی طرف سے دہشت گرد اڈوں کو تباہ کرنے کے سلسلے میں کہا کہ اس کا کریڈٹ فضائیہ کو جاتا ہے، راہل مودی کو نہیں۔ انہوں نے کہا کہ بالاکوٹ حملے پر سیاست نہیں ہونا چاہئے کیونکہ وہ فوج کے اہلکاروں کی جذبات کو نقصان پہنچاتا ہے۔