شدید گرمی کا قہر: لو لگنے سے ٹرین میں 4 مسافروں کی موت

ریلوے کے مطابق دوران سفر ایس-8 اور 9 ڈبے میں سفر کر رہے پچایا، بال کرشن، دھن لکشمی کی موت ہوگئی۔ جبکہ ایک شخص کی موت علاج کے دوران اسپتال میں ہوئی۔

تصویر سوشل میڈیا
تصویر سوشل میڈیا
user

قومی آوازبیورو

جھانسی/گوالیار: ملک کے مختلف حصوں میں لو اور گرمی کا قہر جاری ہے۔ پیر کے روز نئی دہلی-ترویندرم کیرالہ ایکسپریس سے آگرہ سے کوئمبٹور جا رہے چار مسافروں کی گرمی سے موت ہو گئی۔

جھانسی ریلوے زون کے رابطہ عامہ کے افسر منوج کمار سنگھ نے منگل کے روز بتایا کہ پیر کی شب سات بجے گاڑی نمبر 12626 کیرالہ ایکسپریس اسٹیشن پر پہنچی۔ اس ریل کے بوگی نمبر ایس-8 کی برتھ 59 کے مسافر کی طبیعت خراب ہونے کی اطلاع موصول ہوئی تھی۔ جب ڈاکٹروں کی ٹیم وہاں پہنچی تو معلوم ہوا کہ ایس-8 کے علاوہ ایس-9 کے کئی مسافر بیمار اور بے ہوش ہیں۔


ریلوے کے مطابق دونوں ہی بوگیوں میں چار مسافر بے ہوشی کی حالت میں ملے ان میں سے تین مسافروں کی موت ہو چکی تھی اور ایک کی حالت سنجیدہ تھی۔ حالانکہ اس کی بھی دوران علاج اسپتال میں موت ہو گئی۔ موصولہ اطلاع کے مطابق مسافروں کا ایک گروپ ورانسی اور آگرہ کی سیر کرنے کے بعد کوئمبٹور واپس لوٹ رہا تھا، یہ لوگ اسی گروپ میں شامل تھے۔

لو اور شدید گرمی کی وجہ سے گاڑی کے آگرہ سے نکلنے کے بعد ان مسافروں کو پریشانی محسوس ہوئی اور طبیت بگڑنے لگی، گوالیار میں پریشانی ناقبال برداشت ہونے لگی اور جھانسی پہنچنے تک وہ بے ہوش ہو گئے۔


ریلوے کے مطابق ایس-8 ڈبے میں سفر کر رہے پچایا (80) اور بال کرشن (67)، اور ایس-9 میں سفر کر رہی دھن لکشمی (74) اور دیگر ایک شخص کی موت ہو گئی۔ تین مسافروں نے سفر کے دوران ہی دم توڑ دیا جبکہ ایک کی موت علاج کے دوران اسپتال میں واقع ہوئی۔

Follow us: Facebook, Twitter, Google News

قومی آواز اب ٹیلی گرام پر بھی دستیاب ہے۔ ہمارے چینل (qaumiawaz@) کو جوائن کرنے کے لئے یہاں کلک کریں اور تازہ ترین خبروں سے اپ ڈیٹ رہیں۔