دہلی کے بابرپور ضلع میں کانگریس پارٹی کا بڑھتا کارواں

نئی دہلی: بابرپور ضلع کانگریس کمیٹی کے صدر چودھری زبیر احمد نے 8 مارچ کو سیلم پور شیٹ مارکیٹ میں منعقد ہونے والے’کارکنان سمیلن‘ کے پیش نظر ضلع دفتر میں ایک اہم میٹنگ کا منعقد کی۔ میٹنگ کی صدارت حاجی مقصود جمال نے کی اور نظامت کے فرائض دہلی پردیش کانگریس کمیٹی کے ڈیلی گیٹ سید ناصر جاوید نے بخوبی انجام دیے۔ میٹنگ میں ضلع کے سبھی صدور، عہدیدران اور ایم سی ڈی الیکشن میں ٹکٹ کے متمنی سمیت سینکڑوں کانگریس کارکنان نے شرکت کی۔

اس موقع پر چودھری زبیر احمد نے اپنی تقریر میں کہا کہ دہلی کے 14 ضلعوں میں سے سب سے زیادہ کانگریس کی ممبرشپ بابر پور ضلع میں ہوئی ہے۔ انہوں نے کہا کہ پوری دہلی میں 14 اضلاع ہیں لیکن بابرپور واحد ایسا ضلع ہے جہاں اب تک 30 فیصد ممبرشپ ہوئی ہے۔ تاہم ممبرشپ کا سلسلہ اب بھی جاری ہے۔ انہوں نے کہا کہ بابرپور ضلع میں کانگریس پارٹی کا کارواں بڑھتا جا رہا ہے جس کے نتائج ایم سی ڈی الیکشن میں دیکھنے کو ملیں گے۔

چودھری زبیر نے کہا کہ یہ سب آپ سب کی سخت محنت کا نتیجہ ہے۔ انہوں نے کہا کہ 8 مار چ کو منعقد ہونے والا ’کارکنان سمیلن‘ دہلی کا سب سے بڑا اور کامیاب سمیلن ہوگا۔ انہوں نے یہ بھی کہا کہ بابرپور ضلع میں کانگریس پارٹی کا قافلہ دن بہ دن بڑھتا جا رہا ہے۔ تاہم ہمیں اپنی محنت کو اسی طرح جاری رکھنا ہے اور ایم سی ڈی الیکشن 2022 میں کانگریس کو کامیاب بنانا ہے۔

اس موقع پر سینئر کانگریس لیڈر سید ناصر جاوید نے کہا کہ آج بابر پور ضلع پر پوری دہلی کی نگاہیں مرکوز رہتی ہیں۔ چودھری زبیر احمد کی قیادت میں ضلع میں کانگریس کی ایک لہر آ گئی ہے۔ میٹنگ میں وید پرکاش بیدی، روہتاش سنگھ، نفیس علی، ضغیر احمد، ناظر انصاری، رجکمار شرما، شہزاد خان، برہم ڈہکیا نے بھی اپنے خیالات کا اظہار کیا۔ اس موقع پر حاجی نصیر احمد، محمد اسماعیل، ریاض الدین راجو، یعقوب شیخ، ریاست ساحل، ندیم شیخ، ونود جائس، سنجے گور، راجیو شرما، فرقان قریشی، محمد شاہنواز، جمیل ملک، شفیق خان مینو، ضرار احمد، افسر خان، آشا رانی، بشری انصاری، شمیم بانو، نیہا بیگراج، زیب انساء، انیرا جین، چودھری دیوآنند، سنجے گپتا کے علاوہ بڑی تعداد میں لوگ شامل ہوئے۔