حکومت رسوئی گیس سلنڈر کی قیمت 150 روپئے کرے: آر ایل ڈی

پارٹی کے ریاستی ترجمان ترویدی نے کہا کہ بین الاقوامی بازار میں خام تیل کی تاریخی گراوٹ کا فائدہ عوام الناس تک پہنچانے کے لئے پٹرول اور ڈیزل کے ساتھ گیس کی قیمتوں میں بھی قابل ذکر کمی کی جانی چاہیے۔

تصویر سوشل میڈیا
تصویر سوشل میڈیا
user

یو این آئی

لکھنؤ:راشٹریہ لوک دل (آر ایل ڈی) نے خام تیل کی قیمتوں میں تاریخی گراوٹ کے پیش نظر رسوئی گیس کی قیمت میں کمی کرنے کا مطالبہ کیا ہے۔ پارٹی کے ریاستی ترجمان سریندر ناتھ ترویدی نے جمعرات کو کہاکہ بین الاقوامی بازار میں خام تیل کی تاریخی گراوٹ کا فائدہ عوام الناس تک پہنچانے کے لئے پٹرول اور ڈیزل کے ساتھ ساتھ کھانا بنانے والی گیس کی قیمتوں میں بھی قابل ذکر کمی کی جانی چاہیے۔


انہوں نے کہا کہ موجود گراوٹ کا فائدہ لینے کے پیش نظر سرکاری کمپنی او این جی سی نے سرکار سے آلات اور رائیلٹی معاف کرنے کا مطالبہ کر رہے ہیں۔ دیگر تیل کمپنیوں کی بھی یہی مرضی ہے لیکن کسی نے اس کا فائدہ عوام کو دینے کی خواہش کا اظہار نہیں کیا ہے۔

ریاستی ترجمان نے پٹرول کی قیت 40روپئے اور ڈیزل 25 روپئے فی لیٹر کرنے کے ساتھ ساتھ گھریلو گیس کا سلنڈر 150 روپے کرنے کا بھی مطالبہ کرتے ہوئے کہا کہ لاک ڈاؤن کی وجہ سے سنگین معاشی حالت کا سامنا کر رہے عوام کو اس سے بڑی راحت ملے گی۔

قومی آواز اب ٹیلی گرام پر بھی دستیاب ہے۔ ہمارے چینل (qaumiawaz@) کو جوائن کرنے کے لئے یہاں کلک کریں اور تازہ ترین خبروں سے اپ ڈیٹ رہیں۔