گوا کے وزیر اعلیٰ کا اعلان: ریاست میں سیاحوں کے لئے کورونا کی نگیٹو رپورٹ ضروری نہیں

نئی دہلی: گوا کے وزیر اعلی پرمود ساونت نے کہا ہے کہ گوا آنے والے سیاحوں کے لئے کووڈ 19 کی جانچ اور منفی رپورٹ کی لازمیت ختم کردی گئی ہے اور ریاست میں گھریلو سیاحت کو 100 فیصد بحال کردیا گیا ہے، پرمود ساونت نے ’یواین آئی‘ سے ایک انٹرویو میں کہا ’’گوا میں کورونا نگیٹو رپورٹ ضروری نہیں ہے۔

سیاحوں کے آنے پر صرف تھرمل چیکنگ کی جاتی ہے۔ انہوں نے کہا کہ ریاست میں گھریلو سیاحت اب کووڈ سے پہلے کی طرح ہوچکے ہیں ۔ گوا کے بیشتر ہوٹلوں کے کمرے بھرے ہوئے ہیں۔ تاہم ریاستی حکومت اس بات کو یقینی بنا رہی ہے کہ ہوٹلز اور سیاحتی مقامات پر کوڈ پروٹوکول کی مکمل پیروی کی جائے۔ مرکزی حکومت برائے امور داخلہ کے ذریعہ جاری پروٹوکول پر گوا حکومت عمل پیرا ہے۔

پرمود ساونت نے بتایا کہ کووڈ کی وجہ سے بری طرح متاثر سیاحت کی صنعت سے وابستہ لوگوں کی مدد کرنے کے مقصد سے تجارتی اور سیاحتی والی گاڑیوں پر ٹیکس میں 50 فیصد چھوٹ دی گئی ہے۔ حال ہی میں سیاحوں کی کثیر تعداد میں آنے سے سیاحت میں ہونے والے نقصان کی بڑی حد تک تلافی ہو رہی ہے۔

تاہم بین الاقوامی سیاحت پر پابندی کے سبب ٹاپ ٹورزم کی سیاحت پر اثر برقرار ہے۔ انہوں نے کہا کہ انہوں نے وزارت خارجہ اور وزارت داخلہ سے بین الاقوامی سیاحوں خصوصاً چارٹر طیاروں سے آنے والے سیاحوں کو کووڈ پروٹوکول کے ساتھ آنے کی اجازت دینے کے بارے میں بات کی ہے۔