دہلی میں کورونا کے کم ہوتے معاملوں کے ساتھ اس کا خوف بھی ختم

راجدھانی دہلی میں بہت تیزی کے ساتھ کورونا کے تازہ معاملوں میں کمی آئی ہے جس کی وجہ سے دہلی والوں میں اس کا خوف بھی ختم ہوتا نظر آ رہا ہے۔ اس خوف کے ختم ہونے کی وجہ سے بازاروں میں بھی رونق واپس لوٹ آ ئی ہے۔ دہلی میں گزشتہ 24 گھنٹے کے دوران نئے معاملوں کے مقابلے میں صحت یاب ہونےکے معاملے زیادہ ہونے سے سرگرم معاملوں میں کمی درج کی گئی ہے کہ اب 4562 پہنچ گئی ہے۔ راحت کی ایک اور بات یہ ہے کہ راجدھانی میں مریضوں کے صحت مند ہونے کی شرح بڑھ کر 97.58 فیصد پہنچ گئی ہے۔

منگل کو سرگرم معاملے مزید 1275 گھٹ کر اب 4562 رہ گئے۔ راجدھانی میں صحت مند ہونے والے لوگوں کی تعداد میں اضافہ ہونے سے سرگرم معاملوں میں کمی درج کی گئی ہے۔

دہلی کے محکمہ صحت کی جانب سے جاری بلیٹن کے مطابق اس مدت میں 442 نئے معاملے سامنے آنے کے بعد متاثرین کی کل تعداد 627698 تک پہنچ گئی ہے جبکہ مزید 557 مریضوں کے صحت مند ہونے سے کورونا سے نجات پانے والے لوگوں کی تعداد بڑھ کر 612527 ہوگئی۔ راجدھانی میں مریضوں کے صحت مند ہونے کی شرح بڑھ کر 97.58 فیصد پہنچ گئی ہے۔

اس دوران 12 مریضوں ی موت ہونے سے تعداد اموات 10609 ہوگئی ہے۔راجدھانی میں شرح اموات محض 1.69 فیصد رہ گئی ہے۔ اموات کے معاملے میں پورے ملک میں دلی چوتھے مقام پر ہے۔