کورونا بحران کے پیش نظر کسان تحریک واپس لیں: وزیر زراعت

نئی دہلی: وزیر زراعت نریندر سنگھ تومر نے ہفتے کو کورونا بحران کے پیش نظر کسان تنظیموں سے تحریک واپس لینے کی اپیل کرتے ہوئے کہا کہ حکومت ان کے ساتھ بات چیت کے لئے تیار ہے۔

نریندر تومر نے ٹویٹ کر کے کہا، ’’کسانوں میں عدم اطمینان نہیں ہے ۔جو کسان تنظیم ان قانونوں کے خلاف ہیں ،ان سے حکومت بات چیت کےلئے تیار ہے۔ میں کسان تنظیموں سے اپیل کروں گا کہ وہ اپنی تحریک ملتوی کریں،اگر وہ بات چیت کے لئے آئیں گے تو حکومت ان سے بات چیت کےلئے تیار ہے۔‘‘

واضح رہے کہ کسان تنظیم زرعی اصلاحات قانونوں کو واپس لینے کے مطالبے کے سلسلے میں لمبے وقت سے قومی دارالحکومت دہلی کی سرحدوں پر تحریک کر رہے ہیں۔آج سے انہوں نے اپنی تحریک تیز کرنے کا فیصلہ کیا ہے۔

نریندر تومر نے کہا کہ جب کسان تنظیموں سے بات چیت چل رہی تھی ،اس وقت بھی انہوں نے کووڈ بحران کے سلسلے میں تحریک میں شامل بزرگوں اور بچوں کو گھر بھیجے جانے کی اپیل کی تھی۔ آج کووڈ کا دوسرا دور ہے۔ پورا ملک اس کے سلسلے میں فکرمند ہے اور کورونا پروٹوکول پر عمل پر زور دیا جا رہا ہے۔ کسانوں کی زندگی ان کے لئے اہم ہے۔ ایسے میں کسانوں کو تحریک ملتوی کر کے حکومت کے ساتھ بات چیت کرکے مسئلہ کا حل نکالنا چاہئے۔