جموں و کشمیر میں آرمی ہیلی کاپٹر کی ہنگامی لینڈنگ، تین زخمی

ذرائع نے بتایا کہ فوری طور پر ریسکیو آپریشن شروع کیا گیا اور فوج کی امدادی ٹیمیں موقع پر پہنچ گئیں۔ طیارے میں دو پائلٹ اور ایک ٹیکنیشن سوار تھے۔

<div class="paragraphs"><p>تصویر سوشل میڈیا</p></div>

تصویر سوشل میڈیا

user

قومی آوازبیورو

جموں: جموں و کشمیر کے کشتواڑ ضلع میں جمعرات کو فوج کے ایک ہیلی کاپٹر کی احتیاطی لینڈنگ کے دوران دو پائلٹ اور ایک ٹیکنیشن زخمی ہو گئے۔ دفاعی ذرائع نے بتایا کہ جمعرات کو صبح 11.15 بجے آپریشنل مشن پر آرمی ایوی ایشن کے اے ایل ایچ دھرو ہیلی کاپٹر نے مروا ندی کے کنارے احتیاطی طور پر لینڈنگ کی۔

معلومات کے مطابق، پائلٹس نے ایئر ٹریفک کنٹرولر (اے ٹی سی) کو تکنیکی خرابی کے بارے میں مطلع کیا اور احتیاطی طور پر لینڈنگ کے لیے آگے بڑھے۔ کھردری زمین، زیر زمین اور غیر تیار لینڈنگ ایریا کی وجہ سے ہیلی کاپٹر نے بظاہر سخت لینڈنگ کی۔


ذرائع نے بتایا کہ فوری طور پر ریسکیو آپریشن شروع کیا گیا اور فوج کی امدادی ٹیمیں موقع پر پہنچ گئیں۔ طیارے میں دو پائلٹ اور ایک ٹیکنیشن سوار تھا۔ تینوں زخمی اہلکاروں کو ادھم پور کے کمانڈ اسپتال لے جایا گیا ہے۔ واقعے کی کورٹ آف انکوائری کا حکم دے دیا گیا ہے۔

Follow us: Facebook, Twitter, Google News

قومی آواز اب ٹیلی گرام پر بھی دستیاب ہے۔ ہمارے چینل (qaumiawaz@) کو جوائن کرنے کے لئے یہاں کلک کریں اور تازہ ترین خبروں سے اپ ڈیٹ رہیں۔