ستیندر جین کے ٹھکانوں پر ای ڈی کا چھاپہ، منی لانڈرنگ معاملے میں کی گئی کارروائی

انفورسمنٹ ڈائریکٹوریٹ (ای ڈی) منی لانڈرنگ کیس کے سلسلے میں پیر کو دہلی کے وزیر صحت ستیندر جین کے کئی ٹھکانوں پر چھاپے مار رہی ہے۔ ستیندر جین فی الحال ای ڈی کی حراست میں ہیں۔ انہیں 30 مئی کو گرفتار کیا گیا تھا۔ ای ڈی نے اپریل مہینے میں ستیندر جین کے خاندان کی کمپنیوں کی 4.81 کروڑ روپے کی جائیدادیں ضبط کی تھیں۔

ای ڈی کے ایک اہلکار نے کہا کہ ’’سواتی جین، سشیلا جین اور اندو جین کی ملکیت والی مختلف فرموں کی 4.81 کروڑ روپے کی غیر منقولہ جائیدادیں ضبط کی گئیں۔ انکچن ڈیولپرس پرائیویٹ لمیٹڈ، انڈو میٹل ایمپیکس پرائیویٹ لمیٹڈ، پریاس انفوسولیشن پرائیویٹ لمیٹڈ، منگلایتن پروجیکٹ پرائیویٹ ل لمیٹڈ اور جے جے آئیڈیل اسٹیٹ پرائیویٹ لمیٹڈ وہ کمپنیاں تھیں جن کے خلاف کارروائی کی گئی۔

تحقیقاتی ایجنسی ای ڈی نے مرکزی تفتیشی بیورو کے ذریعہ وزیر ستیندر جین کے خلاف درج ایف آئی آر کی بنیاد پر تحقیقات شروع کی تھی۔ ای ڈی کے مطابق، تحقیقات میں پتہ چلا ہے کہ 2015-16 کے دوران، ستیندر جین ایک سرکاری ملازم تھے، منافع بخش ملکیت والی اور ان کے زیر کنٹرول کمپنیوں کو حوالہ کے ذریعہ کولکتہ میں مقیم انٹری آپریٹروں کو کیش ٹرانسفر کے بدلے شیل کمپنیوں سے 4.81 کروڑ روپے حاصل کیے تھے۔

ای ڈی نے اپنے بیان میں کہا کہ اس رقم کا استعمال زمین کی براہ راست خریداری یا دہلی اور اس کے آس پاس زرعی زمین کی خریداری کے لیے لیے گئے قرضوں کی ادائیگی کے لیے کیا گیا تھا۔ جس کے بعد تحقیقات کے دوران پی ایم ایل اے کے سیکشن 5 کے تحت ملزمان اور ان کی کمپنیوں کی زمین کی شکل میں 4.81 کروڑ روپے کی غیر منقولہ جائیداد کو منسلک کیا گیا۔