بہار میں حزب اقتدار اور افسران کے لئے بدعنوانی بائیں ہاتھ کا کھیل: تیجسوی

تیجسوی یادو نے اتوار کو ٹوئٹ کیا کہ بہار میں افسر شاہی عروج پر ہے۔ افسران سینا تان کر سرکاری کاموں میں لاپرواہی کرتے ہیں اور بدعنوانی اور رشوت خوری کو فروغ دیتے ہیں۔

تیجسوی یادو، تصویر یو این آئی
تیجسوی یادو، تصویر یو این آئی
user

یو این آئی

پٹنہ: بہار اسمبلی میں اپوزیشن لیڈر اور راشٹریہ جنتا دل ( آرجے ڈی) لیڈر تیجسوی پرساد یادو نے ریاست میں حزب اقتدار اور افسران کے لئے بدعنوانی کو بائیں ہاتھ کا کھیل قرار دیا اور الزام لگایا کہ اس سے حکومت اور وزیروں کو کوئی فرق نہیں پڑتا۔

تیجسوی یادو نے اتوار کو ٹوئٹ کیا کہ ”بہار میں افسر شاہی عروج پر ہے۔ افسران سینا تان کر سرکاری کاموں میں لاپرواہی کرتے ہیں اور بدعنوانی اور رشوت خوری کو فروغ دیتے ہیں۔ عوامی نمائندوں کی توہین کرتے ہیں اور شہریوں کو تو پَیر کے دھول برابر بھی نہیں سمجھتے۔ لیکن حکومت اور وزیروں کو اس سے کیا، انہیں تو بندر بانٹ میں اپنے حصے سے مطلب ہے۔“


اپوزیشن لیڈر نے ایک دیگر ٹوئٹ میں کہا کہ قومی جمہوری اتحاد ( این ڈی اے) حکومت میں حزب اقتدار اور بے خوف افسران کے لئے بدعنوانی بائیں ہاتھ کا کھیل بن گیا ہے۔ دونوں مل کر غیر قانونی کمائی کرتے ہیں اور شہری رشوت، سرکاری لاپرواہی، پریشانی اور بدعنوانی کے دش چکر میں پس کر رہ جاتے ہیں۔ عوام بھٹک ۔ بھٹک کر رہ جاتی ہے لیکن سنوائی، کاروائی کانام ونشان نہیں ہوتا۔

قومی آواز اب ٹیلی گرام پر بھی دستیاب ہے۔ ہمارے چینل (qaumiawaz@) کو جوائن کرنے کے لئے یہاں کلک کریں اور تازہ ترین خبروں سے اپ ڈیٹ رہیں۔