سعودی عرب میں کورونا ٹیکہ کاری زور و شور سے جاری، 40 فیصد آبادی کو لگ چکا پہلا ٹیکہ

ریاض: عالمی وبا کورونا بحران پر قابو پانے کی سمت میں کوشش جاری رکھتے ہوئے سعودی عرب نے جلد از جلد اپنی پوری آبادی کو ویکسن لگانے کے عزم کا اظہار کیا ہے اور اب تک اس نے اپنی 40 فیصد آبادی کو ویکسن لگا دی ہے۔

عرب میڈیا رپورٹ کے مطابق سعودی عرب کی وزارت صحت نے بتایا ہے کہ مملکت میں کرونا وبا پر قابو پانے کے لیے جاری ویکسی نیشن مہم کامیابی کے ساتھ آگے بڑھ رہی ہے اور اب تک 40 فی صد آبادی کو ویکسین کی پہلی خوراک دی جا چکی ہے۔ وزارت صحت کا کہنا ہے کہ مملکت میں کرونا ویکسین کی دوسری خوراک 60 سال کی عمر کے افراد کو دی جا رہی ہے۔

وزارت صحت کے ایک ذریعے نے بتایا کہ کرونا ویکسین کی دوسری خوراک جلد ہی دوسری عمر کے طبقات کو بھی دینے کا عمل شروع ہوجائے گا۔ ذرائع کا کہنا ہے کہ کیسنرکے فعال مریضوں، گروپوں کے مریضوں، اعضا کی پیوند کاری کے عمل سے گزرنے والے افراد کو کرونا ویکسین کی دوسری خوراک دی جائے گی۔