دہلی میں کورونامریضوں کی تعداد ایک لاکھ کے قریب، 3000سے زیادہ ا موات

کورونا کا قہر جھیل رہی راجدھانی کے لئے اتوار کو مسلسل دوسرے دن راحت کی بات یہ رہی کہ نئے مریضوں کے مقابلہ میں ٹھیک ہونے والوں کی تعداد زیادہ رہی لیکن پابندی والے علاقوں میں پھر اضافہ تشویش کا موضوع رہا۔

دہلی حکومت کی وزارت صحت کی طرف سے جاری اعدادو شمار کے مطابق گزشتہ 24گھنٹوں کے دوران 2244نئے معاملات سے متاثرین کی مجموعی تعداد 99444ہوگئی۔

اس دوران راحت کی بات یہ رہی کہ نئے معاملات کے مقابلہ میں کرونا کو شکست دینے والوں کی تعداد زیادہ 3083رہی اور اب تک 71ہزار 399لوگ اس انفیکشن کو شکست دے چکے ہیں۔ اس مدت میں پابندی والے علاقوں کی تعداد 430سے بڑھ کر 456ہوگئی جو تشویش کا موضوع ہے۔

کورونا سے مرنے والو ں کی تعداد میں اضافہ درج کیا گیاہے۔ 63مزید متاثرین کی موت سے مرنے والوں کی مجموعی تعداد 3083پر پہنچ گئی ہے۔

دہلی میں 23جون کو 3947ایک دن میں سب سے زیادہ معاملے سامنے آئے تھے۔فعال معاملات کی مجموعی تعداد 25940کے مقابلہ میں آج کم ہوکر 25038رہ گئی۔

کورونا جانچ میں گزشتہ کچھ دنوں میں آئی تیزی سے جانچ کا مجموعی اعدادو شمار 643504پر پہنچ گیا۔ گزشتہ چوبیس گھنٹوں میں دہلی میں 23136 ٹیسٹ کئے گئے۔ ان میں آر ٹی پی سی آر جانچ 9873 اور ریپڈ اینٹی جن ٹیسٹ 13263تھے۔

تین جولائی کو ریکارڈ 24165ٹیسٹ کئے گئے تھے۔ دہلی میں دس لاکھ کی آبادی پر جانچ کا اوسط بھی بڑھ کر 33868ہوگیا ہے۔ دہلی میں کورونا کے مجموعی طورپر 15301 بیڈس ہیں جن میں سے 5356پر مریض ہیں جبکہ 9946خالی ہیں۔ ہوم آئسولیشن میں 15564مریض ہیں۔