کانگریس نے دہلی میونسپل کارپوریشن 2022 کا منشور ’میری چمکتی دہلی‘ کیا جاری

نئی دہلی: دہلی میونسپل کارپوریشن انتخابات کے لئے کانگریس نے بدھ کے روز اپنا منشور جاری کر دیا۔ کانگریس نے اس منشور کے ذریعے دہلی میونسپل کارپوریشن انتخابات میں کئی اہم وعدے کئے ہیں۔ منشور جاری کرتے وقت دہلی کانگریس کے ریاستی صدر انیل چوھدری کے ساتھ پارٹی لیڈر اجے کمار، سپریہ شرینیت اور سبھاش چوپڑا موجود تھے۔

اس موقع پر پروفیشنل کانگریس کے چیئرمین امیتابھ دوبے، ریسرچ ڈیپارٹمنٹ کے چیئرمین آشیش سریواستو، قانونی و انسانی حقوق کے شعبہ کے چیئرمین ایڈوکیٹ سنیل کمار، میڈیا ڈپارٹمنٹ کے وائس چیئرمین انوج اتریہ اور راجیش گرگ بھی موجود تھے۔

دہلی پردیش کانگریس کمیٹی کے صدر چودھری انیل کمار نے کہا کہ بی جے پی نے 15 سال اور اروند کیجریوال نے 8 سال کے دور حکومت میں دہلی کی ترقی کو تباہ کردیا اور دہلی کو آلودہ اور کچرے کے پہاڑ بنادیا۔ دہلی میونسپل کارپوریشن میں کانگریس کے اقتدار میں آتے ہی وہ راجدھانی دہلی کی خراب تصویر اور قسمت کو بہتر بنائے گی اور میری چمکتی ہوئی دہلی کو شیلا دکشت کی دہلی بنائے گی۔

ہاؤس ٹیکس گزشتہ معاف، اگلا نصف، گاؤں اور 32 گز سے کم رقبے کے فلیٹ پر ٹیکس مکمل طورسے معاف کیا جائے گا۔ ہر غریب کے گھر میں مفت آر او دے کر سالانہ اوسطاً 10,000 روپے دے کر مالی مدد دی جائے گی۔

چودھری انیل کمار نے کہا کہ گھر گھر جا کر کچرے کو 100 فیصد جمع کرکے دہلی کو کچرے اور آلودگی سے پاک دہلی بنایا جائے گا۔ اگلے 5 سالوں میں ہم موجودہ 23 فیصد گرین ایریا کو 5 فیصد تک بڑھانے کے ہدف کے ساتھ 32 فیصد گرین ایریا بنا کر گرین دہلی بنائیں گے۔ دلتوں کی فلاح و بہبود کے لیے کارپوریشن کو کنٹریکٹ ملازمت سے پاک کرکے صفائی کے عملے کو مستقل ملازمت دیں گے۔ بہتر پرائمری تعلیم کے لیے ہر طالب علم کو ایک ٹیبلٹ دیا جائے گا۔

کارپوریشن کے تمام اسپتالوں کو سپر اسپیشلٹی اسپتال بنایا جائے گا اور شیلا دکشت سواستھیا سہایتا یوجنا کے تحت دوائیں آدھی قیمت پر دستیاب ہوں گی۔ گھریلو ملازمین کی مالی مدد کے لیے شیلا دکشت ڈومیسٹک لیبر ویلفیئر اسکیم شروع کی جائے گی۔ غریبوں کی حق تلفی کے تحت غریبوں کے گھروں پر بلڈوزر نہیں چلنے دیں گے۔ انہوں نے کہا کہ انتظامی شفافیت کے لیے کونسلرز کے فنڈز کا سوشل آڈٹ کیا جائے گا۔ بی جے پی اور عام آدمی پارٹی کی شراکت سے ہم غازی پور، بھلسوا اور اوکھلا میں کھڑے کچرے کے پہاڑوں کو 18 ماہ میں ختم کریں گے اور شراب سے متعلق لائسنس جاری کرنے سے پہلے عوام سے مشورہ کرکے ان کی رائے کو یقینی بنائیں گے۔