دہلی: کانگریس کی 54 امیدواروں کی فہرست جاری، جاوید، یوسف، متین اور مہدی کو موقع

نئی دہلی: کانگریس نے دہلی کی 70 ارکان پر مشتمل اسمبلی کے انتخابات کےلئے 54 امیدواروں کی پہلی فہرست سنیچر کو جاری کی جس میں سینئر لیڈر کرشنا تیرتھ، راجیش لیلوتیا، ہارون یوسف، ڈاکٹر نریندر ناتھ اور اروند سنگھ لولی سمیت کئی اہم لیڈر شامل ہیں۔ کانگریس انتخابی کمیٹی کے سربراہ مکل واسنک نے یہاں جاری ریلیز میں یہ اطلاع دی۔

انہوں نے بتایا کہ پارٹی نے عام آدم پارٹی (عآپ) کے ٹکٹ پر اسمبلی کی رکن رہی پھر کانگریس میں واپسی کرنے والی الکا لامبا کو چاندنی چوک سے امیدوار بنایا ہے۔ للوتیا کو منگولپوری (ریزرو)، یوسف کو بلی ماران، کرشن تیرتھ کو پٹیل نگر اور لولی کو گاندھی نگر، نریندر کو شاہدرہ، متین احمد کو سلیم پور اور اشوک کمار والیہ کو کرشنا نگر سےامیدوار بنایا ہے۔

پارٹی نے ڈپٹی وزیراعلی اور آپ لیڈر منیش سسودیا کے خلاف پٹپڑ گنج سیٹ سے لکشمن راوت کو امیدوار بنایا ہے۔ راوت پٹپڑ گنج کے سابق ضلع صدر رہ چکے ہیں۔ کانگریس نے عام آدمی پارٹی سے واپسی کر چکی الکا لامبا کے علاوہ عآپ سے پارٹی میں سنیچر کو شامل ہوئےآدرش شاستری کو دوارکا سیٹ سے امیدوار بنایا ہے۔

پارٹی نے نئی دہلی سیٹ سے ابھی امیدواروں کا اعلان نہیں کیا ہے۔ اس سیٹ پر وزیراعلی اروند کیجری وال انتخابات لڑ رہے ہیں۔
پارٹی نے ڈاکٹر نریش کو منڈکا، کمل ناتھ کو تری نگر، تلوندر سنگھ مارواہ کو جنگ پورہ اور وکیل شینو چوپڑہ کو کالکاجی سے ٹکٹ دیا ہے۔
پارٹی نےجن 54 امیدواروں کے ناموں کا اعلان کیا ہے ان میں 10 خواتیں شامل ہیں۔