گنیش گودیال اتراکھنڈ کانگریس کے نئے صدر، ہریش راوت کیمپن کمیٹی کےچیئرمین
مہم کمیٹی کے چیئرمین ہریش راوت کے تعاون کے لئے پردیپ ٹمٹا کو وائس چیئرمین اور دنیش اگروال کو کنوینر بنایا گیا ہے۔
کانگریس نے اتراکھنڈ کی ریاستی تنظیم میں بڑی تبدیلی کرتے ہوئے سینئر رہنما گنیش گودیال کو پارٹی کا نیا ریاستی صدر اور سابق وزیر اعلی ہریش راوت کو انتخابی مہم کمیٹی کا سربراہ بنایا ہے۔
کانگریس کے جنرل سکریٹری کے سی۔ وینوگوپال نے کل رات گئے جاری ایک بیان میں کہا کہ اب تک ریاستی کانگریس کے صدررہے پریتم سنگھ کو کانگریس کی لیجسلیچر پارٹی (سی ایل پی) کا نیا لیڈر مقرر کیا گیا ہے۔ یہ عہدہ سینئر رہنما اندرا ہردیش کےانتقال کی وجہ سے خالی ہوا تھا اور اس عہدے کی ذمہ داری کسے سونپی جائے اس سلسلے میں کئی طرح کی قیاس آرائیاں کی جارہی تھیں۔
پارٹی نےمسٹر گودیال کے تعاون کے لئے چار ورکنگ صدور بھی مقرر کیے ہیں ، جن میں پروفیسر جیت رام ، بھون کاپڑی ، رنجیت راوت اور تلک راج بہیڑا شامل ہے۔
مہم کمیٹی کے چیئرمین ہریش راوت کے تعاون کے لئے پردیپ ٹمٹا کو وائس چیئرمین اور دنیش اگروال کو کنوینر بنایا گیا ہے۔سابق ریاستی صدر کشور اپادھیائے کو رابطہ کمیٹی کا چیئرمین اور سابق وزیرنوپربھات کو مینی فیسٹو کمیٹی کا چیئرمین بنایا گیا ہے۔
اتراکھنڈ کانگریس کے نومنتخب صدر گنیش گودیال کو بھی ریاستی کور کمیٹی کا صدر بنا یا گیا ہے۔ اس کمیٹی میں کانگریس کے ریاستی انچارج دیویندر یادو ، سابق وزیر اعلی ہریش راوت ، سابق ریاستی صدر کشور اپادھیائے ، پردیپ ٹمٹا ، نو پربھات ، پریتم سنگھ ، راجندر بھنڈاری سمیت 16 ارکان شامل ہیں۔؎
سینئر رہنما دھریندر پرتاپ کو آؤٹ ریچ کمیٹی کی کمان سونپی گئی ہے۔ اس کمیٹی میں سینئر لیڈر پردیپ جوشی ، موہن سنگھ راوت ، شانتی بھٹ سمیت 11 ممبران شامل ہیں۔ سینئر رہنما وجے سرسوت کو تربیتی کمیٹی کا چیئرمین اور راج پال سنگھ بشٹ کو نائب صدر بنایا گیا ہے۔
پارٹی نے آٹھ سینئر ترجمان بھی مقرر کیے ہیں ، جن میں پردیپ ٹمٹا ، دھریندر پرتاپ ، سوریاکانت دھسمانا ، آر پی رتوڑی ، منوج راوت ، متھورا دت شامل ہیں۔
Follow us: Facebook, Twitter, Google News
قومی آواز اب ٹیلی گرام پر بھی دستیاب ہے۔ ہمارے چینل (qaumiawaz@) کو جوائن کرنے کے لئے یہاں کلک کریں اور تازہ ترین خبروں سے اپ ڈیٹ رہیں۔