کوئلہ اسمگلنگ کیس میں ریلوے کے 3 اہلکاروں سے سی بی آئی نے کی پوچھ گچھ

کلکتہ: مغربی بنگال میں انتخابات کے وقت کوئلے کی غیر قانونی کان کنی کیس کی تحقیقات کرنے والی مرکزی تحقیقاتی بیورو (سی بی آئی) کی ٹیم نے ریلوے کے تین اہلکاروں سے پوچھ گچھ کی ہے۔ جمعرات کے روز آسنول ڈویژن کے ریلوے کے تین اہلکاروں سے پوچھ گچھ کی گئی۔

مرکزی ایجنسی کی اینٹی کرپشن برانچ نے مشرقی ریلوے کے آسنول ڈویژن کے چیف کنٹرولر اور سینئر ڈویژنل آپریشن منیجر اور اسٹیشن منیجر سے پوچھ گچھ کی۔ ان افسران سے پوچھا گیا کہ چوری کیا گیا 500 ٹن کوئلہ ریلوے کے احاطے میں کیوں رکھا گیا تھا۔ سی بی آئی اس معاملے کے مرکزی ملزم انوپ مانجھی عرف لالا کے قریبی ساتھیوں سے بھی پوچھ گچھ کر رہی ہے۔ کوئلہ خریدنے والی کمپنی کا ڈائریکٹر ماجھی گرفتاری سے بچ رہا ہے۔

سی بی آئی نے مغربی بنگال کے آسنسول رانی گنج علاقے میں کوئلے کی غیر قانونی کان کنی کے الزام میں دو کاروباریوں رندھیر کمار برنوال اور منوج اگروال سے پوچھ گچھ کی ہے۔ منگل کو سی بی آئی کی اینٹی کرپشن برانچ نے اتر پردیش اور مدھیہ پردیش میں ماجھی سے وابستہ لوگوں کے احاطے میں چھاپہ مارا ہے۔

تفتیشی ایجنسی نے ماجھی کے خلاف مقدمہ درج کرنے کے بعد گزشتہ سال 28 نومبر کو چار ریاستوں مغربی بنگال، بہار، جھارکھنڈ اور اتر پردیش میں متعدد مقامات پر تلاشی لی گئی۔ 23 فروری کو، سی بی آئی کی ایک ٹیم ترنمول کانگریس کے رکن پارلیمنٹ ابھیشیک بنرجی کی رہائش گاہ اور ان کی اہلیہ روجیرہ سے پوچھ گچھ کی تھی۔