بی جےپی ملزم وزرا کو ہٹانے کی تکنیک کا استعمال کرتی ہے: موئیلی
بی جے پی سوچتی ہے کہ وزیروں کو ان کے عہدوں سے ہٹاکر لوگ ان کے خلاف الزامات کو بھی بھول جائیں گے۔
کانگریس کے سینئر لیڈر اور سابق مرکزی وزیر ایم ویرپا موئیلی نے اتوار کو وزیراعلی بی ایس یدی یورپا کو اقتدار سے بے دخل کئےجانے کی قیاس آرائیوں پر تبصرہ کرتے ہوئے کہا کہ جب بھی بھارتیہ جنتاپارٹی وزیروں کے خلاف بدعنوانی کے الزام سامنے آتے ہیں تو بی جے پی کے اعلی لیڈر وزیروں کو تبدیل کرنے کی تکنیک کا استعما ل کرتے ہیں۔
مسٹر موئیلی نے ریاست کے وزیراعلی کے عہدے کی تبدیلی کو بھگوا پارٹی کا داخلی معاملہ بتاتے ہوئے کہا کہ ’’بی جے پی کی روایت کے مطابق وزیراعظم نریندر مودی اور مرکزی وزیر داخلہ امت شاہ سنجیدہ الزامات والے وزرا کو ہٹا رہے ہیں‘‘۔
صحت کے سابق مرکزی وزیر ڈاکٹر ہرش وردھن کو وزیر کے عہدے سے ہٹانے کا ذکر کرتے ہوئے مسٹر موئیلی نے کہا کہ ڈاکٹر ہرش وردھن کو کووڈ 19 بد انتظامی کے سبب ہٹادیا گیا۔ انہوں نے یہ بھی الزام لگایا کہ سابق آئی ٹی وزیر روی شنکر پرساد کو بھی ان کے خلاف لگائے گئے بدعنوانی کے الزامات کے سبب ہٹادیا گیا۔
انہوں نے کہا ’’بی جے پی سوچتی ہے کہ وزیروں کو ان کے عہدوں سے ہٹاکر لوگ ان کے خلاف الزامات کو بھی بھول جائیں گے‘‘۔
Follow us: Facebook, Twitter, Google News
قومی آواز اب ٹیلی گرام پر بھی دستیاب ہے۔ ہمارے چینل (qaumiawaz@) کو جوائن کرنے کے لئے یہاں کلک کریں اور تازہ ترین خبروں سے اپ ڈیٹ رہیں۔