سال 2022 میں بی جے پی کی وداعی یقینی:اکھلیش

ایس پی سربراہ نے کہا کہ بی جے پی حکومت کی ان عوام مخالف کاموں کی وجہ سے عوام الناس میں کافی اشتعال ہے۔ عوام کا یہ اشتعال 2022 میں تبدیل پر مہر لگائے گا۔

تصویریو این آئی
تصویریو این آئی
user

یو این آئی

سماج وادی پارٹی (ایس پی) کےسربراہ و سابق وزیر اعلی اکھلیش یادو نے دعوی کیا ہے سال 2022 کے انتخابات میں سماج وادی پارٹی کی حکومت بنے گی اور بی جے پی کی وداعی یقینی ہے۔

ایس پی سربراہ نے کہا کہ بی جے پی اقتدار میں عوام الناس پر چہار جانب سےحملے ہورہے ہیں ۔ کورونا وبا میں ایک بار پھر اضافہ ہورہا ہے۔24گھنٹوں میں 18اموات ہوئی ہیں جبکہ 1407 نئے معاملے درج کئے گئے ہیں۔ مہنگائی کی مار سے ہر کوئی پریشان ہے۔


بی جے پی حکومت بچیوں کے ساتھ عصمت دری اور قتل جیسے غیر انسانی جرائم کو روک پانے میں ناکام ثابت ہوئی ہے۔ تاجر لوٹ رہے ہیں کسان اپنی جانیں گنوا رہا ہے۔ بی جے پی لیڈروں کی دادا گیری کا کوئی علاج نہیں ہے، انہیں من مانی چھوٹ ملی ہوئی ہے۔

انہوں نے کہا کہ بستی میں ایک دلت بچی کا اغوا کرنے کے بعد ریپ اور پھر قتل کا واقعہ انسانیت کا شرمسا رکرنے والا ہے۔ 4دن پولیس شکایت کو نظر انداز کرتی رہی۔ آئے دن پیش آنے والے ان واقعات پر حکومت کا غیر سنجیدہ رویہ قابل مذمت ہے۔ بیٹیوں کی سیکورٹی کے نام پر صرف کھوکھلے دعوؤں سے بیٹیاں کب محفوظ ہونگی۔


سابق وزیر اعلی نے کہا کہ متھرا میں تاجر انل اگروال کا بہیمانہ قتل کردیا گیا بی جے پی اقتدارمیں تاجروں کے جان ومال محفوظ نہیں ہیں۔ راجدھانی لکھنؤ سمیت ریاست کے کئی اضلاع میں تاجر لوٹ،اغوا اور قتل کے شکار ہیں۔خود وزیر اعلی یوگی آدتیہ ناتھ کے آبائی ضلع میں لوٹ اور عصمت دری کے کئی معاملے سامنے آئے ہیں۔

انہوں نے کہا کہ بی جے پی حکومت کا دھیان انتظامیہ پر کم سیاست پر زیادہ رہتا ہے۔ نتیجتاَ انتظامی مشینری بھی سست رہتی ہے۔ عوام کی مشکلات کے حل میں بی جے پی کی کوئی دلچسپی نہ ہونے سے ترقیاتی کام رکے ہوئے ہیں اورصوبہ لگاتار ترقی کے معاملے میں پچھڑتا چلارہا ہے۔


ایس پی سربراہ نے کہا کہ بی جے پی حکومت کی ان عوام مخالف کاموں کی وجہ سے عوام الناس میں کافی اشتعال ہے۔ عوام کا یہ اشتعال 2022 میں تبدیل پر مہر لگائے گا۔

Follow us: Facebook, Twitter, Google News

قومی آواز اب ٹیلی گرام پر بھی دستیاب ہے۔ ہمارے چینل (qaumiawaz@) کو جوائن کرنے کے لئے یہاں کلک کریں اور تازہ ترین خبروں سے اپ ڈیٹ رہیں۔