پٹنہ میں پارکنگ کے تنازع پر پُرتشدد تصادم، 32 راؤنڈ فائرنگ، 2 ہلاک، مشتعل لوگوں نے کئی گھروں کو لگا دی آگ

بہار کی راجدھانی پٹنہ کے مضافات میں واقع جیٹھولی گاؤں میں پارکنگ کے تنازع پر دو گروپوں کے درمیان پرتشدد جھڑپیں ہوئیں۔ اس دوران ملزم نے فائرنگ کی۔ جس میں پانچ افراد کو گولیاں لگیں۔ گولی لگنے سے دو افراد کی موت ہو گئی ہے۔ جبکہ 3 افراد زخمی ہیں، ان کا علاج جاری ہے۔

وہیں اس واقعہ کے بعد مقامی لوگوں میں غصہ پھوٹ پڑا۔ مشتعل لوگوں نے ملزم سمیت کچھ لوگوں کے گھر پر دھاوا بول دیا۔ ہجوم نے ان کے گھر، کمیونٹی ہال، گھر کی پارکنگ میں کھڑی کاروں کو آگ لگا دی۔ ہنگامہ آرائی کی اطلاع پر پولیس موقع پر پہنچی اور لوگوں کو روکنے کی کوشش کی تو بھیڑ نے پولیس اہلکاروں پر پتھراؤ شروع کر دیا۔ علاقے میں پولیس فورس کی بھاری نفری تعینات کی گئی ہے۔

کیا ہے معاملہ؟

اس واقعہ میں مارے گئے لوگوں کے رشتہ داروں نے بتایا کہ جیٹھولی میں امیش رائے نامی ایک دبنگ شخص رہتا ہے جس کا کام لوگوں کی زمینوں پر قبضہ کرکے پیسے کمانا ہے۔ اسی سے پارکنگ سے گاڑی نکالنے پر جھگڑا ہوا۔ جہاں متوفی کے رشتہ داروں کی پارکنگ ہے، امیش رائے اپنے ٹریکٹر سے گٹی گرا رہا تھا، جس کی وجہ سے پارکنگ کی سڑک بلاک ہوگئی اور گاڑی کو نکالنے کو لے کر جھگڑا شروع ہوگیا۔

کچھ دیر بعد امیش رائے، رمیش رائے، ستیش رائے، بچہ رائے مسلح ہو کر وہاں پہنچے اور اندھا دھند فائرنگ شروع کر دی۔ ان سب نے گوتم کمار اور ان کے اہل خانہ پر گولیاں چلا دیں۔ سنجیت کمار نے بتایا کہ اومیش رائے گروپ کے لوگوں نے 32 راؤنڈ سے زیادہ گولیاں چلائیں۔ ان کی گولی پانچ لوگوں کو لگی جن میں سے گوتم کمار اور ایک دوسرے کی موت ہو گئی۔ باقی تین زخمیوں کی حالت بھی تشویشناک ہے۔ اسے علاج کے لیے نالندہ میڈیکل کالج اسپتال میں داخل کرایا گیا ہے۔

پٹنہ سٹی کے ایس پی سید عمران مسعود نے بتایا کہ اس واقعے میں 5 افراد زخمی اور 2 ہلاک ہو گئے ہیں۔ زخمیوں کی حالت تشویشناک ہے۔ گاؤں کے سربراہ سمیت 7 افراد کو گرفتار کیا گیا ہے۔ کچھ اور لوگوں کے نام بھی ہیں جن کی گرفتاری کی کوششیں جاری ہے۔

پٹنہ سٹی کے ایس پی مسعود نے کہا کہ ملزم کے گھر کو آگ لگا دی گئی ہے، لیکن اب صورتحال پر قابو پا لیا گیا ہے۔ مقامی لوگوں نے ایس آئی کے سامنے فائرنگ کے بارے میں بتایا کہ اگر ایسا کچھ ہوا ہے تو یہ ایک سنگین معاملہ ہے۔ اس سمت میں تفتیش کی جارہی ہے۔ پٹنہ کے سینئر سپرنٹنڈنٹ آف پولیس منوجیت سنگھ ڈھلون نے کہا کہ مرکزی ملزم کو گرفتار کر لیا گیا ہے۔ صورتحال قابو میں ہے، دیگر ملزمان کی تلاش جاری ہے۔