اگنی ویر بھرتی امتحان کے لیے سیمپل پیپر آن لائن دستیاب
کرنل سنجیو کمار تیاگی نے کہا کہ اگنی ویر بھرتی امتحان کے لیے 15 مارچ تک آن لائن درخواستیں طلب کی گئی ہیں۔ آن لائن امتحان 17 اپریل سے 30 اپریل تک ملک بھر کے 176 مراکز پر منعقد کیا جائے گا۔
اگنی ویر، تصویر آئی اے این ایس
ہمیرپور (ہماچل پردیش): فوج میں ملازمت حاصل کرنے کے خواہشمند امیدواروں کی سہولت کے لیے فوج نے اگنی ویر بھرتی امتحان کی تیاری کے لیے سیمپل پیپر آن لائن دستیاب کرایا ہے۔ ہمیر پور میں آرمی ریکروٹمنٹ آفس کے ڈائریکٹر کرنل سنجیو کمار تیاگی نے اتوار کو کہا کہ اگنی ویر بھرتی امتحان کے لیے 15 مارچ تک آن لائن درخواستیں طلب کی گئی ہیں۔ آن لائن امتحان 17 اپریل سے 30 اپریل تک ملک بھر کے 176 مراکز پر منعقد کیا جائے گا۔
یہ بھی پڑھیں : بی بی سی پر مودی سرکار کو غصہ کیوں آتا ہے!...ظفر آغا
سنجیو کمار تیاگی نے کہا کہ امیدواروں کی سہولت کے لیے ویب سائٹ پر خصوصی لنکس دستیاب کرائے گئے ہیں جس میں درخواست کے عمل کے بارے میں ویڈیوز کے ذریعے معلومات دی گئی ہیں۔ نیز امتحان کی آن لائن تیاری کے لیے سیمپل پیپر بھی اپ لوڈ کیے گئے ہیں۔ امیدوار گھر بیٹھے ان سیمپل پیپرز کے ذریعے امتحان کی تیاری کر سکتے ہیں۔ فوجی اہلکار نے بتایا کہ درخواستوں اور دیگر طریقہ کار سے متعلق معلومات کے لیے ہیلپ ڈیسک بھی قائم کیے گئے ہیں۔
Follow us: Facebook, Twitter, Google News
قومی آواز اب ٹیلی گرام پر بھی دستیاب ہے۔ ہمارے چینل (qaumiawaz@) کو جوائن کرنے کے لئے یہاں کلک کریں اور تازہ ترین خبروں سے اپ ڈیٹ رہیں۔