اترپردیش: جبراً تبدیلی مذہب کے الزام میں 3 غیر مسلم افراد گرفتار

اعظم گڑھ: اترپردیش کے ضلع اعظم گڑھ میں پولیس نے جبری تبدیلی مذہب کے الزام میں 3 افراد کو گرفتار کیا ہے۔ پولیس نے منگل کو یہاں بتایا کہ جبری تبدیلی مذہب کا واقعہ اتوار کو دیدارگنج پولیس تھانہ علاقے میں پیش آیا تھا۔ جہاں پر لوگوں کو تبدیلی مذہب کے لئے پیسے دئیے گئے تھے۔ اس ضمن میں گرفتاریاں آج ممکن ہوسکی ہیں۔

پولیس کے مطابق یہ واقعہ ڈیہ کیتھولی گاؤں کا ہے جہاں پر کچھ افراد نے ایک شخص کے مکان پر منعقد مذہبی تقریب میں شرکت کی تھی۔ بعد ازاں اس کی کسی نے پولیس میں شکایت کی اور پولیس نے اپنے آپ کو 'دھرم پرچارک' بتانے والے تین افراد جونپور باشندہ بالچند، وارانسی باشندہ گوپال پرجاپتی اور اعظم گڑھ باشندہ نیرج کمار کو گرفتار کیا ہے۔