آئی پی ایل 2020: ہمیں اس جیت کی تلاش تھی، اسٹیو اسمتھ

ممبئی انڈینز کو ہرانے کے بعد راجستھان رائلز کے کپتان اسٹیو اسمتھ نے کہا کہ وہ اس جیت سے بہت خوش ہیں اور ٹیم اس جیت کی تلاش میں تھی

تصویر سوشل میڈیا
تصویر سوشل میڈیا
user

یو این آئی

دبئی: ممبئی انڈینز کو ہرانے کے بعد راجستھان رائلز کے کپتان اسٹیو اسمتھ نے کہا کہ وہ اس جیت سے بہت خوش ہیں اور ٹیم اس جیت کی تلاش میں تھی۔

راجستھان رائلز نے آئی پی ایل کے 45 ویں میچ میں ممبئی انڈینز کو آٹھ وکٹوں سے شکست دے دی۔ اس سیزن میں یہ راجستھان کی پانچویں جیت ہے۔ اس کے ساتھ وہ پوائنٹ ٹیبل میں چھٹے نمبر پر آگئی ہے اور اب بھی اس کے پلے آف میں کوالیفائی کرنے کی امیدیں برقرار ہیں۔ راجستھان کے کپتان اسٹیو اسمتھ ممبئی کے خلاف اس جیت سے بہت خوش ہیں۔ انہوں نے میچ کے بعد کہا کہ ٹیم کو اس جیت کی ضرورت ہے۔


میچ کے بعد بات چیت کرتے ہوئے اسمتھ نے کہا کہ میں بہت خوش ہوں۔ ہم اس جیت کی تلاش میں تھے۔ ہمارے دونوں تجربہ کار کھلاڑیوں نے میچ کو اختتام تک پہنچایا اور میں ان دونوں کے کھیل کے طریقے سے بہت خوش ہوں۔اسمتھ نے مزید کہا کہ میرے خیال میں آج وکٹ بھی اچھی تھی۔ گیند اچھی طرح سے بلے پر آرہی تھی۔ اسٹوکس کا پہلی گیند سےارادہ صاف تھا۔ انہوں نے رن ریٹ برقرار رکھنے کے لئے کچھ اچھے شاٹس کھیلے۔

اہم بات یہ ہے کہ ممبئی انڈینز نے اس میچ میں پہلے بیٹنگ کرتے ہوئے 20 اوورز میں پانچ وکٹوں کے نقصان پر 195 رنز بنائے۔ جواب میں راجستھان نے ہدف کا تعاقب 18.2 اوور میں حاصل کیا۔ بین اسٹوکس اور سنجو سیمسن راجستھان کی اس جیت کے ہیرو تھے۔ اسٹوکس نے 60 گیندوں میں 107 رنز بنائے۔ اسی دوران سنجو سیمسن نے 31 گیندوں پر ناقابل شکست 54 رنز بنائے۔ ان دونوں نے تیسری وکٹ کے لئے 152 رنز کی ناقابل شکست شراکت بھی کی۔

Follow us: Facebook, Twitter, Google News

قومی آواز اب ٹیلی گرام پر بھی دستیاب ہے۔ ہمارے چینل (qaumiawaz@) کو جوائن کرنے کے لئے یہاں کلک کریں اور تازہ ترین خبروں سے اپ ڈیٹ رہیں۔