آئی پی ایل 2020: ممبئی پلے آف کے لئے اور پنجاب امید برقرار رکھنے کے لئے اترے گا

دبئی: دفاعی چیمپئن ممبئی انڈینز کی ٹیم جس نے لگاتار پانچ میں کامیابی حاصل کی ہے، اتوار کے روز کنگز الیون پنجاب کے خلاف میچ میں آئی پی ایل کے پلے آف میں اپنی دعویداری مضبوط کرنے اترے گی جبکہ پنجاب کا ہدف اپنی امیدوں کو برقرار رکھنا ہوگا۔ ممبئی نے پچھلے میچ میں کولکتہ نائٹ رائیڈرز کو آٹھ وکٹوں سے شکست دے کر ٹورنامنٹ میں لگاتار پانچویں کامیابی اپنے نام کرلی، جبکہ پنجاب نے کرو یا مرو کے میچ میں رائل چیلنجرز بنگلور کے ہاتھوں آٹھ وکٹوں سے کامیابی حاصل کی تھی۔

ممبئی آٹھ میچوں میں چھ جیت اور دو شکستوں کے ساتھ12 پوائنٹس کےساتھ ٹیبل میں سرفہرست ہے، جبکہ پنجاب کی ٹیم آٹھ میچوں میں دو جیت، چھ شکست کے ساتھ چار اور پوائنٹس ٹیبل میں آٹھویں پوزیشن پر ہے۔ اگر ممبئی کی ٹیم پنجاب کے خلاف جیت جاتی ہے تو آخری چار میں پہنچنا تقریبا یقینی ہوجائے گا، جبکہ پنجاب کے لئے اب ایک بھی شکست اس کا پلے آف میں پہنچنے کا خواب توڑ سکتی ہے۔ پنجاب کے پاس چھ میچ باقی ہیں اور آخری چار تک پہنچنے کی امیدوں کو زندہ رکھنے کے لئے سبھی میچ جیتنے ہوں گے۔

ممبئی نے کولکتہ کے خلاف زبردست کارکردگی کا مظاہرہ کیا اور بلے اور گیند دونوں شعبوں میں کولکتہ کو شکست دی۔ ممبئی کو پنجاب کے خلاف اپنی فارم کو برقرار رکھنا ہوگا کیونکہ پچھلے میچ میں پنجاب کے بیٹنگ آرڈر نے بہتر کارکردگی کا مظاہرہ کیا تھا۔

پنجاب کے سامنے کوئنٹن ڈی کاک، روہت شرما، سوریا کمار یادو، کیرون پولارڈ اور ہاردک پانڈیا کا چیلنج ہوگا جو شاندار فارم میں ہیں اور مسلسل بہترین کارکردگی کا مظاہرہ کر رہے ہیں۔ پنجاب کے گیند بازوں کو ممبئی کو روکنا ہوگا جس سے وہ بڑا اسکور نہ بنا سکیں۔ پنجاب کی طرف سے کپتان لوکیش راہل اور مینک اگروال پر ٹیم کو ایک مرتبہ پھر مضبوط شروعات دلانے کی ذمہ داری ہوگی۔ ممبئی کو کرس گیل کو روکنا ہوگا جنہوں نے بنگلور کے خلاف پہلے ہی مقابلے میں 53 رن کی اننگز کھیلی تھی۔ پنجاب کو گیند بازی میں اصلاح کی ضرورت ہے۔ پنجاب کے پاس اس مقابلے میں جیت حاصل کرکے پچھلی شکست کا بدلہ لینے کا بہترین موقع ہوگا۔