اسماعیل صابری یعقوب ملائیشیا کے نئے وزیر اعظم مقرر، صدر سلطان عبداللّہ احمد شاہ نے دلوایا حلف

تجزیہ کاروں کا کہنا ہے کہ ملک میں طویل عرصے سے جو ہنگامہ آرائی چل رہی ہے اسماعیل اسے ختم کرنے میں کامیاب ہوں گے، اس کے امکانات بہت کم ہیں۔

ملائیشیا کے نئے وزیر اعظم اسماعیل صابری یعقوب / آئی اے این ایس
ملائیشیا کے نئے وزیر اعظم اسماعیل صابری یعقوب / آئی اے این ایس
user

قومی آوازبیورو

کوالالامپور: ملائیشیا میں نائب صدر اسماعیل صابری یعقوب نے انڈونیشیا کے نویں وزیراعظم کا حلف اُٹھا لیا ہے، انہیں ملائیشیا کے صدر سلطان عبداللّہ احمد شاہ نے حلف دلوایا۔ ملائیشیا کے وزیراعظم محی الدین یاسین نے 5 روز قبل پارلیمان میں اکثریت حاصل کرنے میں ناکامی پر استعفیٰ دے دیا تھا۔ جس کے بعد ملائیشیا کے بادشاہ السلطان عبداللہ نے محی الدین یٰسین کے مستعفی ہونے کے بعد اسماعیل صابری یعقوب کو ملک کا نیا وزیراعظم نامزد کیا تھا۔

اسماعیل صابری ملک کی سب سے زیادہ اقتدار میں رہنے والی جماعت یونائیٹڈ ملائز نیشنل آرگینازیشن (یو ایم این او) کے بزرگ لیڈر ہیں لیکن تجزیہ کاروں کا کہنا ہے کہ ملک میں طویل عرصے سے جو ہنگامہ آرائی چل رہی ہے اسماعیل اسے ختم کرنے میں کامیاب ہوں گے، اس کے امکانات بہت کم ہیں۔


واضح رہے کہ ملائیشیا میں نجیب رزاق کو شکست کے بعد بننے والی اتحادی حکومت کے پہلے دو سال مہاتیر محمد وزیراعظم رہے اور اگلے دو برس کے لیے محی الدین یاسین کو اقتدار دیا گیا تاہم انھیں حکومتی اتحاد میں ٹوٹ پھوٹ کے باعث معیاد سے پہلے ہی مستعفی ہونا پڑا۔

عالمی خبر رساں ادارے کے مطابق ملائیشیا میں محی الدین یاسین 17 ماہ اقتدار میں رہنے کے بعد کابینہ سمیت وزیراعظم کے عہدے سے مستعفی ہوگئے تھے، جس کے سبب پیدا ہونے والے سیاسی بحران کے حل کے لیے ملک کے بادشاہ نے یونائیٹڈ ملائیشیا نیشنل آرگنائزیشن کے رہنما اسماعیل صابری کو وزیر اعظم نامزد کر دیا ہے۔ اسماعیل صابری نے ہفتہ کے روز پارلیمنٹ میں اکثریت ثابت کی، اس کے بعد نہوں نے حلف اٹھا لیا۔


اسماعیل صابری یعقوب گزشتہ حکومت میں سابق وزیراعظم محی الدین یاسین کے نائب کے طور پر ذمہ داری نبھا رہے تھے اور ان کی اولین ترجیح سیاسی اتحاد میں اتفاق کو برقرار رکھنا ہے ورنہ انھیں بھی اپنے پیشروؤں کی طرح حکومت چلانے میں مشکلات کا سامنا ہوسکتا ہے۔

Follow us: Facebook, Twitter, Google News

قومی آواز اب ٹیلی گرام پر بھی دستیاب ہے۔ ہمارے چینل (qaumiawaz@) کو جوائن کرنے کے لئے یہاں کلک کریں اور تازہ ترین خبروں سے اپ ڈیٹ رہیں۔