یوروپ نے چین کے لئے کھولی سرحد لیکن ہندوستان اور امریکہ کے لئے نہیں

غور طلب ہے کہ کورونا کی وجہ سے پوری دنیا کی معیشت بر طرح متاثر ہےاور یوروپ کے کئی ممالک سیاحت کو دوبارہ شروع کرنے کے حق میں ہیں۔

سوشل میڈیا
سوشل میڈیا
user

قومی آوازبیورو

یوروپ نے جن ۱۵ ممالک کے لئے اپنی سرحدیں کھول دی ہیں ان میں کورونا کے بڑھتے معاملات کی وجہ سے ہندوستان ، امریکہ اور روس کو باہر رکھا ہے لیکن چین کے لئے اجازت دے دی ہے۔

یوروپی یونین نے آج سے ۱۵ ممالک کے لئے اپنی سرحدیں کھول دی ہیں جبکہ ہندوستان اور امریکہ سمیت کئی ممالک پر یہ پابندی جاری رہے گی۔جن۱۵ ممالک کے لئےسرحدیں کھولی گئی ہیں ان میں چین بھی شامل ہے۔

واضح رہے ہندوستان، امریکہ اور روس کو اس لسٹ سے اس لئے باہر رکھا گیا ہےکیونکہ ان ممالک میں کورونا کے کیسز مستقل بڑھ رہے ہیں۔وہ تمام ممالک جہاں کورونا کے کیسز میں اضافہ ہورہا ہے ان کو اس لسٹ سے باہر رکھا گیا ہے۔ واضح رہے برازیل میں بھی کورونا کے معاملات بہت تیزی سے بڑھ رہے ہیں اور وہ کورونا کے معاملہ میں دنیا میں دوسرے نمبر پر ہے۔

واضح رہے جس چین سے اس وائرس کے پھیلنے کی شروعات ہوئی تھی اس کو اس لسٹ میں شامل کرتے وقت یوروپی یونین نے کئی سخت شرائط لاگو کی ہیں ۔ چین کے ساتھ اسی شرط پر سرحدیں کھولی گئی ہیں کہ چین بھی یوروپی یونین ممالک کے لئے اپنی سرحدیں کھولے گا۔اس لسٹ کا ہر دو ہفتہ بعد جائزہ لیا جائے گا۔

غور طلب ہے کہ کورونا کی وجہ سے پوری دنیا کی معیشت بر طرح متاثر ہےاور یوروپ کے کئی ممالک سیاحت کو دوبارہ شروع کرنے کے حق میں ہیں۔اٹلی اور اسپین جیسے ممالک سیاحوں کو راغب کرنے کے لئے ہر ممکن کوشش کر رہے ہیں۔امریکہ کے لوگ جو یوروپ میں گھومنا پسند کرتے ہیں ان کو اس لسٹ سے باہررکھا گیا ہے۔ ادھر سائپرس نے سیاحوں کو راغب کرنے کے لئے اعلان کیا ہے کہ اگر کوئی سیاح یہاں کورونا پازیٹو ہو گیا تو اس کے علاج کے تمام اخراجات سائپرس کی حکومت برداشت کرے گی اور ساتھ میں اس کے آنے جانے اور رہنے کے تمام اخراجات بھی برداشت کرے گی۔