ڈنمارک کی تاریخ میں کم عمر ترین متوقع وزیر اعظم ہوں گی فریڈریکسن

فریڈریکسن نے کہا ہے کہ وہ حکومت کا آغاز کفایت شعاری سے کریں گی۔ اس کے بعد ہی بہبودی اور فلاحی اخراجات بڑھائے جائیں گے اور ماحولیات کے محاذ پر اہم فیصلے کیے جائیں گے۔

تصویر سوشل میڈیا
تصویر سوشل میڈیا
user

یو این آئی

کوپن ہیگن: سوشل ڈیموکریٹ خاتون سیاستدان میٹے فریڈریکسن ڈنمارک کی آئندہ وزیر اعظم ہوں گی۔فریڈریکسن (41) نے جو ملک کی پہلی سب سے کم عمر خاتون وزیر اعظم ہوں گی، آج اعلان کیا کہ وہ ایک یساری جھکاؤ رکھنے والی حکومت کی قیادت کرنے جا رہی ہیں۔

ملک میں عام انتخابات کے بعدتقریباً تین ہفتے لگاتار مذاکرات کا سلسلہ جاری رہا۔ بالآخر فریڈریکسن کی پارٹی اور دیگر یساری جماعتوں کے مابین اتفاق رائے ہو گیا۔ اس طرح کوپن ہیگن میں اگلی حکومت یساری جماعتیں ہی مل کر بنائیں گی۔


متوقع وزیر اعظم نے دیگر جماعتوں کے رہنماؤں کے ساتھ مل کر ایک پریس کانفرنس میں جب اس نئے نظم کا اعلان کیا تو ڈینش سوشل ڈیموکریٹس کی قیادت میں بننے والی نئی حکومت کو جو ایک اقلیتی حکومت ہوگی، سینٹر لیفٹ بلاک کی چند چھوٹی جماعتوں کی طرف سے بھی تائید مل گئی۔ فریڈریکسن نے کہا ہے کہ حکومت کا آغاز کفایت شعاری سے کریں گی۔ اس کے بعد بہبودی اور فلاحی اخراجات بڑھائے جائیں گے اور ماحولیات کے محاذ پر اہم فیصلے کیے جائیں گے۔

Follow us: Facebook, Twitter, Google News

قومی آواز اب ٹیلی گرام پر بھی دستیاب ہے۔ ہمارے چینل (qaumiawaz@) کو جوائن کرنے کے لئے یہاں کلک کریں اور تازہ ترین خبروں سے اپ ڈیٹ رہیں۔