جنوبی افریقہ میں سیلاب سے مرنے والوں کی تعداد 443 پہنچی، پورا علاقہ ملبہ میں تبدیل

جنوبی افریقہ کے کوازولو-نتال علاقہ میں گزشتہ ہفتہ زبردست بارش کے سبب آئے سیلاب میں مہلوکین کی تعداد لگاتار بڑھتی جا رہی ہے۔ اب تک 443 لوگوں کی موت ہو چکی ہے، جب کہ 63 افراد لاپتہ ہیں۔ سیلاب کی تباہی سے پورا علاقہ ملبہ میں تبدیل ہو گیا ہے۔ یہ جانکاری ایک مقامی افسر نے دی ہے۔

خبر رساں ایجنسی سنہوا کی ایک رپورٹ کے مطابق کوازولو-نتال علاقہ کے پریمیر سہلے زکلالا نے اتوار کے روز کہا کہ ’’گزشتہ دنوں میں فوری بچاؤ مہم اور نقصان کا سروے کرنے پر توجہ مرکوز کی گئی۔ حالانکہ اب بھی علاقہ کو اس ملبے سے باہر نکالنے کا کام تیزی سے جاری ہے۔‘‘

زکلالا نے کہا کہ جنوبی افریقی پولیس اور قومی ڈیفنس فورس نے بچاؤ مہم میں مدد کے لیے پائلٹوں اور پائلٹ ٹیم کو تعینات کیا ہے۔ انھوں نے بتایا کہ کئی علاقوں میں پانی کا مسئلہ ہے، جب کہ بیشتر علاقوں میں بجلی رخنہ انداز ہوئی ہے۔ اب تک 8329 گھر متاثر ہوئے۔ زکلالا نے یہ بھبی کہا کہ یہ سیلاب اب تک کا سب سے تباہناک سیلاب ہے۔ اس سیلاب میں لوگوں کی زندگی، ان کے گھر اور ضروری بنیادی ڈھانچے سب تباہ ہو گئے ہیں۔ سب کچھ پھر سے کھڑا کرنے میں کافی مشقت کے ساتھ طویل وقت بھی لگے گا۔