فرانس اور برطانیہ میں اموات کی تعداد میں اضافہ کا رجحان

پوری دنیا میں جہاں کورونا متاثرین کی تعداد 23 لاکھ سے تجاوز کر گئی ہے اور وائرس سے ہلاک ہونے والوں کی تعداد ایک لاکھ 60 ہزار سے زیادہ ہو گئی ہے وہیں فرانس اور برطانیہ میں اموات کی تعداد میں تیزی سے اضافہ دیکھا جا رہا ہے۔ فرانس میں کورونا وائرس سے ہلاک ہونے والوں کی تعداد 19 ہزار سے اوپر ہو گئی ہے اور برطانیہ میں یہ تعداد 15 ہزار سے اوپر پہنچ گئی ہے۔

ادھر دنیا کے سب سے طاقتور ملک امریکہ میں کورونا متاثرین کی تعداد7 لاکھ سے زیادہ ہو گئی ہے اور وہاں کورونا سے ہونے والی اموات کی تعداد 39 ہزار سے تجاوز کر گئی ہے۔

اٹلی میں ہلاک ہونے والوں کی تعداد 23 ہزار سے زیادہ ہو گئی ہے اوروہاں متاثرین کی تعداد ایک لاکھ 75 ہزار سے زیادہ ہے۔

اسپین میں متاثرین کی تعداد ایک لاکھ 94 ہزار سے زیادہ ہے اور اس سے ہلاک ہونے والوں کی تعداد ساڑے 20 ہزار سے زیادہ ہو گئی ہے۔

ایران میں ہلاکتوں کی تعدادپانچ ہزار سے زیادہ ہو گئی ہے اور وہاں متاثرین کی تعداد 80 ہزار سے اوپر ہے۔